Eanadoallo- ja biebmoministtar deaivvadii ealáhusain diehtojuohkinčoahkkimis alitnjuovččadávdda birra
Ođas | Almmustahtton: 25.09.2024 | Eanadoallo- ja biebmodepartemeanta
Alitnjuovččadávda lea fuomášuvvon máŋgga sajis riikkas. Mánnodaga čilgii ealáhus dávdda birra eanadoallo- ja biebmoministarii Geir Pollestadii.
– Lea duođalaš dilli, ja munnje lea dehálaš dađistaga oažžut maŋemus dieđuid Biebmobearráigeahčus, danne go leat sii geat gieđahallet alitnjuovččadávdda, dadjá eanadoallo- ja biebmoministtar Geir Pollestad.
Mánnodaga čakčamánu 23. beaivvi lei Pollestada diehtojuohkinčoahkkimis ealáhusain, Biebmobearráigeahčuin ja Veterinærinstituhtain gos oaččui maŋemus dieđuid alitnjuovččadávdda birra.
Čakčamánu 6.beaivvi fuomášuvvui alitnjuovččadávda sávzzain Agderis. Dan ovdal ii leat registrerejuvvon virusdávda Norggas 2009 rájes. Alitnjuovččadávda lea maiddái registrerejuvvon sávzzain Rogalánddas.
– Dan mii váldit duođas departemeanttas. Boanddaide dagaha dat eahpesihkarvuođa ja balu, lohká Pollestad.
Alitnjuovččadávda lea virus, mii vuosttažettiin njoammu sávzzaide ja gussaelliide, muhto dávda sáhttá njoammut maiddái eará smirezasttii elliide, nugo gáiccaide, sarvvaelliide, kamelaide ja lámáide. Dávda nuppástuvvá , ja njoammu varranjammi divrri bokte, mii gohčoduvvo hihtehin. Alitnjuovččadávda ii njoamo njuolga elliid gaskkas.
Alitnjuovččadávda ii njoamo olbmuide, ii oktavuođas elliiguin, ii ge biebmu bokte.
- Loga eambbo alitnjuovččadávdda birra (dárogillii) Blåtunge - Veterinærinstituttet (vetinst.no)
- Loga gažaldagaid ja vástádusaid alitnjuovččadávdda birra (dárogillii)Spørsmål og svar om blåtunge - Veterinærinstituttet (vetinst.no)
Jus várohuvvo ahte ovtta dahje eambbo šibihiidda/elliide lea dávda njommon, de galgá dieđihit dan birra Biebmobearráigehččui. Biebmobearráigehččui dieđihuvvo telefovdnanummára 22 40 00 00 bokte. Jus lea váldán oktavuođa doaibmi šibitdoaktáriin, de sáhttá son ge dieđihit dan birra Biebmobearráigehččui.
Min ránnjáriikkain, Dánmárkkus ja Ruoŧas, leat maiddái maŋemus áiggis registreren alitnjuovččadávdda. Eará Eurohpá riikkain lea maid dávda fuomášuvvon.
- Dákko gávnnat ođasmáhtton dieđuid alitnjuovččadávdda birra Norggas (dárogillii) Status blåtunge i Norge - Veterinærinstituttet (vetinst.no)