Boelth viehkiehtieh guktie skåajje buerebe sjædta
Ođas | Almmustahtton: 17.10.2024 | Eanadoallo- ja biebmodepartemeanta
Nöörjen skåajjine jeenjemes goesh jïh bietsieh. Men lastemoerh aaj vihkeles biologijen gellievoeten jïh skåajjen ekologijen tsiehkiej gaavhtan.
Lasth moerijste joekoen vihkeles dan ræjhkoes biologijen gellievoetese skåajjesne. Dïhte vadta jeatjah såarhth jieliemassh jåartese goh leevegh leevehmoerijste, jïh aaj hijven effektem vegetasjovnese jïh jåarteorganismide utnieh mah skåajjen betnesne gååvnesieh.
Burhvieh, goebperh, dïrregh, hievnieh, ledtieh jïh juvrh lastemoeride nuhtjieh. Muvhth aarhth ajve vihties moerine gååvnesieh. Dovne laste- jïh leevehmoerh viehkiehtieh vaahram joekedidh skaarah skåajjine goh mïetskeme jïh bïegkevaaloe. Jeereldihkie skåajje lea aaj jienebe stinkes byjreserelateereme maajsoej vööste.
Raavnije, suvhpie jïh saalje, jallh ROS-aarhtide, leah aalkoeaarhth mah tjoehpeme- jïh båeltemedajvine tråjjadieh. Dah moereaarhth åeniehkåbpoe jieledem utnieh, men vihkeles jïjnjh sjædtojde, aaj aarhth mah leah rööpseslæstosne.
- Lohkh vielie Laanteburriedirektoraatesne Lauvtrær bidrar til sunnere skog - Landbruksdirektoratet
90 prosenth Nöörjen skåajjijste leah åajvahkommes moeresåarhth goese, bietsie jïh såekie. Lastemoerh 26 prosenth dehtie tjåadtjoen kubihkelåhkoste. Såekie sïejhmemes lastemoerijste.