Ráđđehus ásaha 1500 birrajándora fuolahussaji

-Sii geat dárbbašit saji buhcciidruovttus, galget oažžut dan. Mii doallat dan maid mii lohpidit, ja láhčit dili 1500 birrajándora fuolahussadjái 2025, dadjá dearvvašvuođa- ja fuolahusministtar Jan Christian Vestre.

Árvalus mearkkaša ahte juolluduvvo 325 miljovnna ruvnno 2025, mii galgá gokčat juolludusrámma vuosttaš jagis, nu ahte suohkanat sáhttet sihke hukset ođđa sajiid ja ođasmahttet sajiid, mat sis juo leat.

- Eanas vuoras olbmot háliidit orrut guhkit ruovttus, muhto ii buot sáhte čoavdit ovttaskas olbmo ruovttus. De ferte hukset eambbo sajiid buhcciidruovttuide. Kvalitehta galgá buorránit ja erohusat vuorasolbmuidfuolahusas galget njiedjat. Lea hui dárbbašlaš ahte vuorasolbmot galget leat oadjebasat dasa ahte bálvalusat leat sajis go dan dárbbašit, ja ahte lea sadji buhcciidruovttus jus dasa čuožžila dárbu. Lea sáhka árgabeaivvi oadjebasvuođas – vuorasolbmuide ja sin lagamusaide, dadjá Vestre.