RidduDuottarMuseat Kárášjogas

– RiddoDuottarMuseaid ođđa dállu lea vuoruhuvvon prošeakta ráđđehusa bealis, ja lea deaŧalaš bealli sámi kulturloktemis. Mii fertet sihkkarastit ahte čoakkáldagat maid musea hálddaša, sáhttet bures áimmahuššojuvvot ja ahte dáidaga viimmat sáhttá čájehit olbmuide. Lea deaŧalaš sihkkarastit ahte prošeakta ovdána bures, dadjá kultur- ja dásseárvoministtar Lubna Jaffery.

RiddoDuottarMuseat Kárášjogas hálddašit stuora sámi dáiddačoakkáldaga ja dárbbaša ođđa lanjaid vai sáhttá dan čájehit álbmogii.

Sii galget maiddái leat bures ráhkkanan dasa ahte váldit vuostá ja seailluhit sámi dávviriid mat galget máhcahuvvot Oslo museas RiddoDuottarMuseai Bååstede-šiehtadusa olis.

RiddoDuottarMuseaid ođđa dálu ovdaprošeakta álggahuvvui jagi 2023, ja galgá plána mielde gárvvistuvvot jagis 2025.

– Dát lea deaŧalaš prošeakta sámi kultuvrra infrastruktuvrra nannemis. Mii leat aitto ládje ožžon ođđa Beaivváš nationálateáhtera Guovdageainnus, ja bargat dál ođđa sámi musea huksemiin Kárášjohkii. Go goappašagat leat sajis, de nákcet olu buorebut gaskkustit ja áimmahuššat sámi dáidaga ja kultuvrra, dadjá Jaffery.