Stáhtabušeahtta 2025:
Nationálabušeahta 2025 váldologut
Preassadieđáhus | Nr: 41/2024 | Almmustahtton: 07.10.2024 | Ruhtadandepartemeanta
Ruhtadandepartemeanta almmuha muhtun váldologuid dii. 8, ovdal go 2025 Nationálabušeahtta biddjojuvvo ovdan dii. 10:00.
Gáibideaddji ekonomalaš áiggi maŋŋel orro dilli čuvggodeame dál. Boahtte jagi stáhtabušeahtta vuođustuvvo ekonomiijii, mii sáhttá eambbo lassánit ja mas lea ain unnán bargguhisvuohta. Maŋimus jagiid lea leamaš jođánis ja garra haddegoargŋun, mii lea vuolgán olgoriikkas. Ovddit áigodagat, go lea leamaš alla haddegoargŋun, leat sihke bistán guhká ja bargguhisvuohta lea lassánan, muhto dál orro ekonomalaš politihkka lihkostuvvame vuolidit haddegoargŋuma, almmá stuora bargguhisvuođa lassáneami haga, ja ekonomiija orro bissovaččat ahtanuššame. Go bálkkát orrot goargŋume arvat eambbo go hattit, de buorrána ruovttudoaluid oastinfápmu ja váikkuha Norgga ekonomiija lassáneapmái boahtte jagi.
Norgii leat riikkaidgaskasaš heahtedilit ja ráfehisvuohta leamaš hástalussan maŋemus jagiid– pandemiija, soahti Eurohpás, energiijaroassu ja alla haddegoargŋun. Ráđđehusa deháleamos bargun lea sihkkarastit dorvvolašvuođa olbmuide Norggas. Danne lea ráđđehus nannen suodjalusa, sihkkarvuođa ja gearggusvuođa hirbmadit, ja dát suorggit vuoruhuvvojit maiddái 2025 bušeahtas.
Foandaruđaid geavaheapmi 2025:s meroštallojuvvo leat 460 mrd. ruvnno ja lea 2,5 proseantta Stáhta olgoriikka penšuvdnafoandda (SPU) meroštallon árvvus boahtte jagi álggus. Dát lea olu vulobealde doaibmanjuolggadusa guhkesáigásaš láidestusa. Bušeahttaevttohus bajida foandaruđaid geavaheami oassin Nannán-Norgga BNB:s 10,9 proseanttas 2024:s 10,9 prosentii 2025:s. Rehkenastojuvvon 2025-hattiiguin lea badjáneapmi 27,8 mrd. ruvnno.
Tabealla: 2025 Nationálabušeahta ekonomalaš váldosturrodagat 1
|
|
2023 |
2024 |
2025 |
2026 |
|
Norgga ekonomiija |
|
|
|
|
|
Nannán-Norgga bruttonationálabuvtta (volum) |
0,7 |
0,7 |
2,3 |
2,1 |
|
Barggahus, olbmot |
1,3 |
0,5 |
0,7 |
0,6 |
|
Bargguhisvuođalogut, registrerejuvvon (dássi) |
1,8 |
2,0 |
2,2 |
2,2 |
|
KPI |
5,5 |
3,7 |
3,0 |
2,5 |
|
KPI -JAE |
6,2 |
4,1 |
3,2 |
2,7 |
|
Ruhtadanpolitihka ásahus |
|
|
|
|
|
Olggosváldin SPU:s, proseantan2 |
3,0 |
2,6 |
2,5 |
.. |
|
Oljomuddejuvvon bušeahttavuolláibáza, mrd. ruvnno |
290,5 |
347,8 |
413,6 |
.. |
|
Struktuvrralaš, oljomuddejuvvon bušeahttavuollebáza, mrd. ruvnno |
367,6 |
416,5 |
460,1 |
.. |
|
Struktuvrralaš, oljomuddejuvvon bušeahttavuollebáza, mrd. 2025-ruvnno |
|
|
|
|
|
Struktuvrralaš, oljomuddejuvvon bušeahttavuollebáza, oassin Nannán-Norgga BNB:s (treanda) |
9,6 |
10,4 |
10,9 |
.. |
|
Rievdan oljomuddejuvvon bušeahttavuollebáza oassin Nannán-Norgga BNB:s (treanda)3 |
0,5 |
0,7 |
0,5 |
.. |
¹ 2024-26 meroštallan. Proseanttaid mielde rievdan vássán jagis go eará ii muitaluvvo.
2 Struktuvrralaš, oljomuddejuvvon vuolláibáza proseantan Stáhta olgoriikka penšuvdnafoanddas (SPU) jagi álggus.
3 Vássán jagi rievdan proseantaovttadahkan.