Stuorra lohkanmoktaáŋgiruššan

– Min demokratiija lea sorjavaš das ahte mii geat orrut riikkas máhttit ja háliidit lohkat. Dainna lágiin háhkat mii máhtu, oahppat moaittalaččat jurddašit ja oassálastit servodahkii. Lohkan lea dehálaš, sihke juohkehažžii, muhto maiddái servodahkii. Dat lea duogážin manin mii dál válljet nannet lohkanmoktaáŋgiruššama mánáid ja nuoraid gaskkas, lohká kultur- ja dásseárvoministtar.

Kultur- ja dásseárvoministtar ja máhttoministtar ovdanbuvttiiga giđđat lohkanmoktastrategiija «Ovttas lohkat». Das leat olu doaibmabijut, ja ráđđehus evttoha juohkit dan 20 miljovnna ruvnno ná:

• Kulturráđi skuvlagirjerájusortnet - 8,1 miljovnna ruvnno:
  Galgá veahkehit ahte mánát ja nuorat dábuhit eanet iešguđetlágan ja áigeguovdilis girjjit dá skuvlagirjerádjosis.

• Kulturráđi vuollásaš oastinortnegat - 3 miljovnna ruvnno:
  Galgá buoridit sárggusgovvaráidduid ja áššeprosa válljenmuni mánáide ja nuoraide girjerádjosiin.

• Lohkanorganisašuvnnat - 6 miljovnna ruvnno:
  Ruhta lea juogaduvvon gaskal Leser søker bok (Lohkki ohcá girjji), searvvi !les searvvi ja Norsk forfattersentrum. Mihttun lea nannet barggu gaskkustit girjjálašvuođagirjjálašvuođa mánáide ja nuoraide.

• Girjjálašvuođaviesut - 3 miljovnna ruvnno:
  Ruhta juogaduvvo gaskal girjjálašvuođaviesuid Bergenis, Fredrikstadas, Oddas, Oslos, Skienis ja Trondheimas. Doaibmabiju mihttun lea nannet barggu gaskkustit girjjálašvuođagirjjálašvuođa mánáide ja nuoraide.

Dasa lassin lea kultur- ja dásseárvoministtar dan jagi várren 23,3 miljovnna ruvnno spealloruđain čuovvolit lohkanmoktastrategiija doaibmabijuid. Dát juogaduvvo dainna lágiin čavčča mielde:

• Kulturráđi skuvlagirjerájusortnet: 5 miljovnna ruvnno
• Kulturráđi bargu ođđadárogielat, sámegielat, ja minoritehtagielat girjjálašvuođain: 2 miljovnna ruvnno
• Den kulturelle skolesekken (Kultuvrralaš skuvlalávka), girjjálašvuođagaskkusteapmi: 8,3 miljovnna ruvnno
• Kulturráđi vuollásaš oastinortnet: 3 miljovnna ruvnno, mas áššeprosa, čáppagirjjálašvuohta mánáide ja nuoraide ja jorgaluvvon girjjálašvuohta ožžot 1 miljovnna guhtege
• Kulturráđi ortnet gaskkustit girjjálašvuođa mánáide ja nuoraide: 5 miljovnna ruvnno