Ekonomiija- ja stivrenossodat

Ekspedisuvdnahoavda Anders Melheim

Ekonomiija- ja stivrenossodagas lea váldoovddasvástádus plánet ja ovddidit Suodjalusa doaimmaid, organisašuvnna ja struktuvrra iešguđege guhkesáiggeplánema áigodagas. Ossodat galgá maid bajimuš dásis stivret ja gozihit dan vuollásaš ossodagaid doaimmaid.

Dat mearkkaša earret eará ovddasvástádusa konkretiseret olles guhkes áigodaga plánaid ja bušeahtaid doaimmaid dásis, evttohit bušeahttaprofiillaid, golloanaliissaid oanehis ja guhkes áigodagaide, ođasmahttin- ja beavttálmahttindoaimmaid iešguđet plánaáigodagaide, ráhkadit jahkebušeahtaid ja daidda gullevaš ollašuhttindokumeanttaid, stivret Suodjalusa investerendoaimmaid dan rájes go háhkamat leat mearriduvvon, ja materiála- ja opmodat-, huksen- ja rusttethálddašeami bajimuš stivrenovddasvástádusa.

Sekšuvdna

Dasa lassin ossodahkii gullá Dáistalangirdiid, industriijaovttasbarggu, ođđasitháhkamiid ovttadat (DIOO), mii galgá čuovvulit industriijaovttasbarggu materiálaid háhkamiid oktavuođas, erenoamážit boahttevaš dáistalangirdiid háhkamiid oktavuođas.