Digitaliserenossodat
Ossodagas lea ovddasvástádus čađahit guovddáš digitaliserendoaibmabijuid dearvvašvuođa- ja fuolahussuorggis, ja ovttastahttit daid dearvvašvuođa- ja fuolahusbálvalusaid ovddidanmihttomeriiguin. Doaibmabijut maiguin ossodat bargá leat digitála ovttasdoaibman, Dearvvašvuođateknologiijaortnet, dearvvašvuođaregistarat ja dearvvašvuođadieđuid sekundára geavaheapmi, standardiseren, digitála sihkarvuohta ja maiddái stáhtabušeahttaproseassat ja ekonomalaš bearráigeahčču ja guorahallan doaibmabijuid čuovvoleami oktavuođas. Ossodat doaimmaha stáhta eaiggátvuođa Norgga dearvvašvuođafierpmádaga, Norsk helsenett SF, hárrái.
Guovddáš barggut leat strategiijaid ovddideapmi ja stivren nationála dásis, ja nationála prográmmaid, prošeavttaid ja doaimmaid čuovvoleapmi. Ossodat bargá bušeahtain, lágaiguin, ruhtademiin, ekonomiijačuovvolemiin ja organiseremiin, man ulbmil lea nannet ja stivret digitaliserema.
Ossodaga ovddasvástádussuorggit:
- Dearvvašvuođa- ja fuolahussuorggi digitála ovttasdoaibma
- Dearvvašvuođateknologiijaortnet
- Digitála bálvalusat ássiide ja dearvvašvuođabargiide
- Dearvvašvuođadieđut ja nationála dearvvašvuođaregistarat
- Goanstajierbmi
- Digitála sihkarvuohta ja persovdnasuodjalus
- Standárddat, tearpmat ja kodaávdnasat
- Eurohpá dearvvašvuođadiehtosuorgi ja eará riikkaidgaskasaš ovttasbargu