Norgga Polarinstituhtta

Norgga Polarinstituhtta (NP) lea guovddáš stádaásahus mii kárte ja čađaha geavatlaš ja dieđalaš iskkademiid polarguovlluin, ja dat lea maid fágalaš ja strategalaš ráđđeaddi guovddáš hálddahussii polarjearaldagain. Polarinstituhtta galgá maid veahkehit SLB:a, SFT, RA ja áššeolmmái fágalaš ráđđeaddin. NP lea váldeorgána mii galgá čuovvolit ja čađahit Norgga biraslágaid Antarktis guovllus.

NP galgá leat guovddáš oassálasti Polarbirasguovddážis ja dat galgá leat aktiivvalaš veahkki guovddáža dutkanovdánahtti ovdánahttimis ja čađaheamis. NP galgá oassálastit gaskariikkalaš ovttasbargoforain ja vuhtii váldit fágalaš bargguid iešheanalaš dutkanásahussan; dat galgá leat okta gaskariikkalaš gulahallanguovddáš polaráššiin ja gaskkustit oktavuođa gaskal norgga ja gaskariikkalaš fágabirrasiid.

NP rolla ja doaimma vuođđu lea dat čohkkejuvvon gelbbolašvuohta maid instituhtta lea čohkken go lea sáhka polar birasmáhtus, kártemis ja logistihkas. NP fágalaš diehtovuođđu ja aktivitehta galgá guoskat biologalaš girjáivuhtii ja maid dálkkádaga ja birasmirkkuid oktavuhtii davvi- ja polarguovlluin.

Váldostrategiijjat olahan dihte mihtuid leat:

• háhkat ja gaskkustit dieđuid mat leat vuođđun aktiivvalaš ja eastadeaddji birasgáhttenbarggus davvi- ja polarguovlluin
• bidjat olamuddui iežas polarhistorjjálaš čoakkáldaga ja iežas girjerádjosa, main besset earret eará olggobeale dutkit studeret norgga- ja gaskariikkalaš polarhistorjjá.
• Svalbarda, Jan Mayena ja Antarktisa Norgga liigeeatnamiid topográfalaš ja geologalaš kárten, ja maid kártabuktagiid ovdanbuktit iežas logistihkkaressursaid bokte nu ahte dainna lágiin láhčá dili instituhta ja iežas olgobargodoibmii, ja maid fállá oktasaš bálvalusaid norgga polardutkiide.
• Viidáseappot de galgá NP sihke našuvnnalaš ja gaskariikkalaš  dutkandoaimmaid ásaheami bokte Svalbardas leat mielde fuolaheame ahte dat dáhpáhuvvá dainna lágiin ahte našuvnnalaš beroštumit dain sulluin váldojit vuhtii.

Neahttasiidu: http://www.npolar.no/