Ossodagat
-
Gulahallanovttadat
Gulahallanovttadat ovddasvástida departemeantta gulahallandoaimmaid. Ovttadat hálddaša mediaoktavuođaid politihkalaš jođihangotti ja departemeantta ovddas, čállá álgoevttohusa preassadieđáhusaide, sáhkavuoruide, sártniide, doallá lagaš oktavuođa mediain, ovddasvástida sosiála mediaid ja digitála kanálaid, ja addá diehtojuohkinfágalaš rávvagiid fágaossodagaide ja politihkalaš jođihangoddái.
-
Ceavzilvuođa- ja nuppástuhttinossodat
Ossodaga ovddasvástádussii gullá ovddidit dálkkádat- ja biraspolitihka, ekonomalaš ovdáneapmi ja ruoná nuppástus. Ossodat ovddasvástida trohpalaš arvevuvddiid ja multilaterála bargguid.
-
Nuoskkidanossodat
Ossodat bargá strategiija- ja politihkkaovdánahttimiin mii guoská nuoskkideapmái, kemikálaide ja buvttareguleremii, doabbariidda (oktan mariidna doabbariiguin ja mikroplásttaiguin), ruoná mearrajohtolahkii ja ja EEO-, gávpe- ja investerenšiehtadusaid birasberoštumiide.
-
Dálkkádatossodat
Ossodaga ovddasvástádussii gullá ovddidit nationála dálkkádatpolitihka ja bargat riikkaidgaskasaš dálkkádatsuorgái guoskevaš áššiiguin. Ossodat galgá maid ovddasvástidit báikkálaš áibmokvalitehta, ja das lea maid bajimus ovddasvástádus biras- ja ovdánahttináššiide.
-
Kulturbirasossodat
Ossodaga váldoovddasvástádus lea ovddidit strategiijaid ja politihka kulturmuittuid ja kulturbirrasa seailluheapmái ja guoddevaš geavaheapmái, ja dálkkádaga ja birrasa birra polára- ja davviguovlluin. Guovddáš bargosuorggit leat arkeologiija, huksensuodjalus, fatnasat, kulturmuittut, kulturbiras ja kulturhistorjjálaš eanadat, kulturbirasgáhttemat ja kulturhistorjjálaš árvvut gávpot- ja čoahkkebáikeovdánahttimis, birashálddašeapmi Svalbárddas ja birasovttasbargu polára- ja davviguovlluin. Ossodagas lea maid ovddasvástádus máilmmiviidosaš bargosurggiid ovddas nu go earret eará máilmmiárbbi ovddas (Unesco), EO/EES, Arktis ja Antarktis. Ossodat lea ožžon etáhtastivrenovddasvástádusa Riikkaantikvára, Norgga kulturmuitofoandda, Norgga Polárainstituhta ja Svalbárdda birasgáhttenfoandda ovddas, ja galgá áimmahuššat departemeantta gulahallama regionála kulturbirashálddašemiin.
-
Luondduhálddašanossodat
Ossodaga váldoovddasvástádus lea ovddidit politihka várjalan várás luondduvalljivuođa gáttis ja mearas, ja sihkkarastit ollislaš ja ceavzilis luondduhálddašeami sihke geavaheami, suodjaleami ja olgonastima bokte. Ossodagas lea maid ovddasvástádus mearraguovlluid hálddašanplánain ja boraspiriid hálddašeamis.
-
Organisašuvdnaossodat
Ossodat áimmahuššá politihkalaš jođihangotti ja departemeantaráđi bargoveagadoaimmaid, ja ovddida ja fuolaha stivrenvuogádagaid ja mearrida bajitdási njuolggadusaid beaktilis ja oktiiheivehuvvon jođiheapmái.