Mii fállat
Artihkal | Maŋimuš ođasmahttojuvvon: 27.03.2025 | Kultur- ja dásseárvodepartemeanta
Háliidat go bargat gelddolaš fágasurggiiguin, áigeguovdilis áššiiguin ja bargat lahka politihka?
Min luhtte beassá bargat iešguđetlágán fágasurggiiguin, earret eará falástallamiin, eaktodáhtolašvuođain, dásseárvvuin, mediaiguin, dáidagiin ja kultursuodjalemiin. Don beasat bargat miellagiddevaš ja ovdáneaddji bargguiguin gaskal politihka ja hálddašeami, ja bargoárgabeaivvis šaddet máŋggabealat ja hástaleaddji barggut. Kultur- ja dásseárvodepartemeanttas (KUD) leat 160 fágagelbbolaš bargi. Min bargit barget sihke iešheanalaččat ja fágaidrasttideaddji ovttasbarggus. Dainna lágiin beasat ávkkástallat iežat máhtu ovttas earáiguin, ja bargguid čoavdimiid bokte beasat čuovvut fágalaš ovdáneami.
Mis leat buorit bohtosat sihke áŋgirvuođas, bargoduhtavašvuođas ja loaktimis. Mis lea iežamet kantiina gosa buohkat čoahkkanit lunššaide ja sosiála doaluide. KUD:s lea hávskes ja eahpeformála bargobiras, ja mis leat máŋga sosiála doaibmabiju, nugo iežamet koarra, gođđinjoavku, korpsa, čuojahanjoavku ja sihke viessofeasttat ja geassefeasttat. Álkit daddjon lea KUD buorre bargosadji!
KUD vistit leat hui guovddážis Oslos. Mis lea geabbilis bargoáigi, seallakantuvrrat ja sierra subsidierejuvvon kantiina. Buot bargiide fállojit buorit penšuvdnaeavttut ja vejolašvuohta oažžut SPK:s viessoloana buriid eavttuiguin.
KUD bargin beasat gitta beannot diimmu hárjehallat bargoáiggis vahkkosaččat. Mii beassat geavahit oktasaš hárjehallanrusttegiid ráđđehuskvartálas, ja mis lea fitnodatšiehtadus SATS:in hálbbiduvvon miellahttohaddái. Min fidnodearvvašvuođabálvalus fállá ee. oktasaš yogadiimmuid, aktiiva bottuid ja gierdohárjehallama.