Bargo- ja sosiáladepartemeanta lea ásahan bálkkašumi bargoeallima čearddalaš girjáivuođa várás. Bálkkašupmi juhkkojuvvo jahkásaččat, ja geigejuvvo vuohččan 2005:s. Bálkkašupmi galgá addot olbmui dahje doibmii mii lea erenoamáčit áŋgiruššan ovddidit čearddalaš girjáivuođa bargosajis.

Girjáivuođabálkkašumi ulbmil lea čalmmustahttit bargoeallima sisafárrejeddjiid integrerema buriid ovdamearkkaid, ja juohkit máhtu ja movttiidahttit earáid álggahit doaimmaid mat láhčet dili čearddalaš girjáivuhtii bargoeallimis. Girjáivuođabálkkašumi juohká bargo- ja sosiálaministtar.

Jurys leat lahttun Ellen Stensrud, LO, Ivar Jørgensen, HSH, Gudrun Grindaker, KS, Hege Herø, YS, Manuela Ramin-Osmundsen, UDI ja Rita Kumar, KIM, ja sii galget árvvoštallat bálkkašumi evttohusaid. Jury dáhttu bálkkašit aktiiva daguid, duođaštuvvon bohtosiid, ja ahte áŋgiruššan čájehuvvo bargosadjái arenan.

Jury atná earet eará dáid čoavddasániid eaktun:

• gullevašvuohta
• doaibmabijut/aktivitehtat
• ovttasbargu
• bohtosat

Girjáivuođabálkkašupmi geigejuvvo juovlamánus.

Mii dáhttut evttohusaid mat livčče áigeguovdilis bálkkašumi vuoitit. Geavat áinnas ohcanskovi mii lea dás, ja ohcan ii galgga leat eanet go 10 siiddu. Lassidieđut sáhttet biddjojuvvot mielddusin. Bargo- ja sosiáladepartemeanta ferte oaččut evttohusaid bálkkašupmái ovdal čakčamánu 30.b. 2005.