Fakta om Forsvaret 2004 samisk - Kap 5

Historjjálaš arkiiva

Almmustahttináigodat Regjeringen Bondevik II

Almmustahtti: Forsvarsdepartementet

Bagadusat ja gihppagat | Almmustahtton: 23.07.2004

Suodjalusa militeara organisašuvdna (SOM)

Suodjalusbargogoddi (SBG)

galgá Suodjalushoavdda olis, áimmahuššat ovddasvástádusa cadahit bargguid, fuolahit ahte mearrádusaid cuovvolit ja áimmahuššat beaivválaš bargoaddiovddasvástádusa bargovehkii Suodjalusa militeara organisašuvnnas. Dát mielddisbuktá ovddasvástádusa cadahit plánacállosiid ja dan bušeahta maid departemeanta lea mearridan ja gaskkustan. Generálinspektevrrat leat oassin Suodjalusbargogottis ja sis lea ovddasvástádus cadahit veahkabuvttadeami iežaset suodjalussurggiin.

Oktasašoperatiiva váldobáikkit (OOVB)

lea vuoddo bargogoddi mii galgá jodihit Suodjalusa operatiiva doaimmaid, sihke našuvnnalaccat ja riikkaidgaskasaccat. Váldosuodji lea Jåttå:s olggobealde Stavanger:a. Váldooasi Suodjalusa operatiiva hovdengotti plánenkapasitehtas gávdná OOVB:s. Dat mearkkaša ahte sihke operašuvnnaid ja hárjehallamiid ovddemusat plánejit doppe.

Riikaoassekommándo Lulli-Norga (ROKL)

lea oassin Suodjalusa oktasašoperatiiva kommándostruktuvrras. ROKL ovddasvástádus lea guvlui Lindesnes rájes lulde gitta fylkkarádjái gaskal Davvi-Trøndelága ja Nordlándda davvin. Váldosuodji lea biddjon Troandimii. ROKL lea regionála kommándo mii doaimmaha operatiiva bearráigeahcu iežas riikaoasi guovllusuodjalusa badjel, masa maid gullet juolluduvvon Ruovttusuodjalusa veagat. Váldosuojis lea maid ovddasvástádus bajitdásis ovttastahttit Ollislaš suodjalusa siviila ja militeara osiid , ja ovttasbargá áigeguovdilis siviila etáhtaiguin. Váldosuoji ovddasvástádus lea plánet ja vuostáiváldit lihtolaccaid nannenveagaid.

Riikaoassekommándo Davvi-Norga (ROKD)

lea oassin Suodjalusa Oktasašoperatiiva kommándostruktuvrras. Váldosuodji lea Reitan báikkis Budeajju olggobealde. Ovddasvástádusguovlu gokcá golbma davimus fylkka, Svalbárdda, Bjørnøya ja Jan Mayena ja mielddisbuktá ea.ea. bearráigeahccat davvi áibmo- ja áhpeguovlluid.

ROKD:s lea dasa lassin dehálaš rolla dustet eaŋkil dáhpáhusaid ja hediid davviguovllus. ROKD lea regionála kommándo mii operatiivalaccat bearráigeahccá riikaoasiset guovllusuodjalusa. Kommándos lea ovddasvástádus plánet ja vuostáiváldit lihtolaccaid nannenveagaid.