Ráđđehus evttoha ahte sámi leavgga geavaheapmi galgá čállot sámeláhkii ja láhkii mii guoská levgemii gielddaid almmolaš visttiin. Ráđđehus evttoha maiddái ahte Sámediggi galgá oa??ut válddi mearridit njuolggadusaid leavgga geavaheapmái.

Maŋŋil go sámi leavga dohkkehuvvui Sámiid 13. konfereanssas Åres borgemánu 15. 1986, leat ollugat váillahan dárkilet njuolggadusaid leavgga geavaheapmái.

Sámi leavga lea sámiide čohkkejeaddji govastat riikkarájáid rastá, ja dan geavahit earret eará Norgga, Ruoŧa ja Suoma sámedikkit, fylkkagielddat, gielddat, organisašuvnnat, muhtun stáhtalaš ásahusat ja priváhta oktavuođain. Leavga geavahuvvo virggálaš leavgabeivviin ja eará allaáiggálaš oktavuođain. Sámiid konfereansa lea mearridan ahte sámi leavgga geavaheapmi galgá čuovvut gullevaš riikka levgennjuolggadusaid.

Norggas lea Olgoriikkadepartemeanta ráhkadan gaskaboddasaš njuolggadusaid dasa, mo sámi leavga galgá árvodássejuvvot eará leavggaid ektui. Muđui ii leat gal dássá?ii gávdnon láhkanannejuvvon dáhpi sámi leavgga geavaheapmái.

Gieldaministtar Erna Solberg dadjá, ahte og ráđđehus rievdada sihke sámelága ja lága levgema birra gielddaid almmolaš visttiin, dál lea addán muhtin njuolggadusaid mo sámi leavgga sáhttá ja galgá geavahit. Láhkarievdadusa duogáš lea heivehit norgga lága sámi leavgga sajáiduvvan geavaheapmái.

- Vaikko vel sámi leavgga geavaheapmi lea láhkavuođustuvvon norgga láhkamearrádusaid bokte, de lea Sámediggi rievttes instánsan ga?aldagaide leavgga geavaheamis, dadjá gielddaministtar Erna Solberg.

• Ot.prp. nr. 34 (2002-2003) Om lov om endring i samelova m.m.