Gielda- ja guovludepartemeanta lea juolludan 100 000 ruvnno sámi ássansaji huksemii mii lea Gamtofta Ráissavuona suohkanis Romssas. Go ceggejit Gamtofta de dat lea mielde dahkamin oainnusin Gaska-Romssa sámi kultuvrra, dadjá stádačálli Anders Eira.

Báikkálaš olbmot leat ođđasis ceggen ássansaji dakkárin go dat ovdal lei. Dál leat Gamtoftas goahti, badji, darfenávet, fanasnávstto ja lávvu. Dát báiki lea bivnnuhis báiki gos skuvllat ja mánáidgárddit finadit. Juohke geasi lágidit sámi kulturfestivála dan báikkis, lassin vel eará kulturlágidemiide.

- Gamtofta lea buorre ovdamearkan dasa ahte sámi kultuvra sáhttá leat vuođđun ealáhusdoaimmaide. Dan seammás beassá váldit vára sámi kultuvrras ja dan dahkat oainnusin báikkálaš servodagas, dadjá Eira.

Romssa fylkkasuohkan ja Sámediggi maid leat addán doarjaga Gamtoftai.