- Lean hui ilus, go beasan rahpat ráđđehusa sámegiel ODIN-siidduid odne sámi álbmoga beaivvi, dadjá gielda- ja guovloministtar Erna Solberg.

Sámegiel siidduid álggahemiin ODINii lea okta ráđđehusa mihtuin sámegiela ja dieđiheami ovddideamis ollašuvvan. – Ovttasbargoráđđehus háliida, ahte sámegiella galgá eanet adnojuvvot, ja sámegiel ODIN-siidduid álggahemiin áigut lasihit sámegiela anu almmolaš oktavuođas, dadjá Solberg.

Sámegiel informašuvdna gávdno dál oalle unnán. ODIN sámegillii galgá leat váldokanála, man bokte ráđđehus ja departemeanttat juhket dieđuid. Dáppe lea stuoradiggedieđáhusat, proposišuvnnat, lágat ja eará dokumeanttat, mat leat almmustahttojuvvon sámegillii. Dát lea dušše vuosttaš lávki ja siiddut galget ovddiduvvot dađistaga, earret eará galgá maiddái boahtit ohcanfunkšuvdna siidduide.

- Sámegiella lea almmolaš giella Norggas ja lea earenoamááš dehálaš, ahte giella adnojuvvo ee. interneahtas. Gielda- ja guovlodepartemeanta áigu joatkit barggu nu ahte sámegiella aiggi mielde sáhttá adnojuvvot buot IKT-oktavuođain, dadjá gielda- ja guovloministtar.

• Gielda- ja guovlodepartemeantta sámegiel ODIN-siidduide