Sámi ja Norgga leavggat ráddehuskvartálas sámi álbmoga beaivvi
Historjjálaš arkiiva
Almmustahttináigodat Regjeringen Bondevik II
Almmustahtti: Kommunal- og regionaldepartementet
Preassadieđáhus | Almmustahtton: 05.02.2003 | Maŋimuš ođasmahttojuvvon: 24.10.2006
Preassadieđáhus
Nr.: 11/2003
Beaivemearri: 05.02.2003
Sámi ja Norgga leavggat ráđđehuskvartálas sámi álbmoga beaivvi
Ráđđehus sávvá sámiide lihku sámi álbmoga beivviin, ja vuosttaš gearddi levgejuvvo sihke sámi ja Norgga leavggain ráđđehuskvartálas guovvamánu 6.
Jagis 1992, sámiid 15. konfereanssas Helssegis, válljejuvvui guovvamánu 6. beaivi sámi álbmoga beaivin. Beaivemearri válljejuvvui danne go vuosttaš sámi riikačoakkan dollojuvvui guovvamánu 6. 1917. Dát lei vuosttaš gearddi go sihke davvi- ja oarjelsámit iešguđege riikkas gávnnadedje ságastallat ja čuvget sámepolitihkalaš áššiid ja čuolmmaid.
- Mearrádus ásahit sámi álbmoga beaivvi lei hui dehálaš symbolalaš dáhpáhus sámepolitihkalaš historjjás, dadjá Gielda- ja guovlodepartemeantta stádačálli Anders J.H. Eira, gii ieš lei sámiid 15. konfereanssas Helssegis. – Sámiide lea leamaš mávssolažžan gávdnat symbolaid, mat čohkkejit álbmoga riikarájiid rastá ja mat čájehit sámiid searvevuođa, dadjá Eira.
Ráđđehus ovddidii ovdalaš juovllaid evttohusa nannet sámi leavgga geavaheami sámelágas ja lágas levgema birra suohkaniid almmolaš viesuin. Dát láhkaevttohus čuovvoluvvo dál lunddolaččat dainna lágiin, ahte ráđđehuskvartálas levgejuvvo sihke sámi ja Norgga leavggain sámi álbmoga beaivvi.
- Sámi áššiid stádačállin lean stuora iluin oaidnán, ahte Stuoradiggi, Ráđđehuskvartála ja Oslo suohkan áigot levget sámi leavggain sámi álbmoga beaivvi, dadjá stádačálli Eira.
Gielda- ja guovlodepartemeantta sámegiel ODIN-siidduide
Oslo Rådhus 06.02.03:
