Sámi ministtar Erna Solberg lea vuolggáhaa sierra sámi giella bálkkašumi ásaheami, ja dál leat sámeministtarat ja Suoma, Ruoŧa ja Norgga sámediggepresideanttat šiehttan ásahit sierra davviriikalaš sámi giellabálkkašumi – ”Golle Giella”.

- Sámegiella lea almmolaš giella Norggas. Go geige bálkkašumi ovttaskas olbmui dahje organisašuvdnii, mii dan ánssaša, de dat dahká oainnusin sámigiellageavaheami davviriikain. Sávan dakkár bálkkašupmi movttidahtašii olbmuid vel eambbo dakkar bargguid bargat, dadjá stádaráđđi Erna Solberg. – Ráđđehusa mihttu lea movttidahttit eambbo atnit sámegiela iešguđet oktavuođain ja eanet sajiin, maiddái almmolašvuođas.

Otná oktasaš čoahkkimis leat ministtarat ja sámediggepresideanttat bivdán davviriikaid sámi áššud embehtaorgána čielggadit ášši eambbo. Dainna jurdagiin ahte bálkkašumi sáhtášii vuosttaš geardde geiget boahtte oktasaš čoahkkimis mii dollojuvvo Ruoŧas 2004 čavčča.