Ráđđehusa strategiija IKT hárrái almmolaš suorggis ovdanbuktojuvvui guovvamánu 18. beaivvi. – Olihan dihte eambbo sámegiela geavaheami, de lea okta guovddáš ulbmilin dat ahte sáhttit atnit sámegiel bustávaid IKT oktavuođas, dadjá stáhtačálli Anders Eira Gieldda-ja Guovlludepartemeanttas.

IKT- strategiijas vuoruhit dakkar doaimmaid mat galget buoridit dieđuid lonohallama gaskkal almmolaš ossodagaid ja maid gaskkal almmolaš- ja priváhtasurggiid. Dan bargat oččodan dihte beaktileappu hálddšeami ja buoret bálvalusaid geavaheddjiide. Dan seammas ráhkaduvvo sierra orgána mii galgá heivehit elektronalaš signatuvrraid(PKI) sisaváldima. Dan orgána galgá maid sihkkarastit jođu gaskkal iešguđetgelágán priváhta ja almmolaš čovdosiid.

-IKT- doaimmaid ferte bidjat johtui vai oliha dan ulbmila ahte beassat álgit atnit sámegiel bustávaid buot IKT- oktavuođain. Ráđđehusa mihttomearri lea ahte buot almmolaš registerat galget sáhtit atnit sámegiel bustávaid ja maid ahte dieđuid lonohallan gaskkal registariid galgá doaibmat, dadjá Anders Eira.

Vurdojuvvo ahte almmolaš ásahusat láhčet dili nu ahte sáhttá čálálaččat gulahallat sámegillii. Almmolaš dieđut galget heivehuvvot maid sámi álbmogii.

Dát mielddisbuktá ahte omd. almmolaš skovit ráhkaduvvojit sámegillii maid.

Sámi namaid, báikenamaid, čujuhusaid jnv. galgá sáhttit registreret rievttes ládje.

-Lean movttet og leat joavdan ná guhkas dainna bargguin. Váilu goitge vel oalle ollu ja dál bargat ovddemustá sámegielat bustávaid ja IKT gelbbolašvuođabása ceggemiin.

Áigumuššan das lea ahte almmolaš ásahusat galget sáhttit oa??ut veahki og dainna váldet oktavuođa, dadjá stáhtačálli Anders Eira.