Lihkkusávaldagat Ráđđehusas

[ Norsk versjon]

Stáhtačálli Ellen Inga O. Hætta ovddasta Ráđđehusa Sámi viesu rahpama oktavuođas Oslos odne. – Deaivvadanbáikkit leat liikka deaŧalaččat go biebmu čoavjái ja áibmu geahppáide, lohká son.

- Oslo lea dat gávpot Norggas gos orrot eanemus sápmelaččat. Viessu šaddá deaŧalaš čoahkkananbáikin Oslo sápmelaččaide ja sáhttá šaddat ovdánahttinreaidun sámi kultuvrra ja sámi identitehta dáfus oaivegávpogis, lohká Hætta.

Son čujuha samer.se-interneahttasiidui gos čuožžu: ”Deaivvadanbáikkit sámi nuoraide leat liikka deaŧalaččat go biebmu čoavjái ja áibmu geahppáide. Báikkiid ja deaivvadanvejolašvuođaid haga ii gávdnoše dán áigge dat maid gohčodit sámi kultuvra.”

Lea ain unnán máhttu sámi diliid birra eatnasiid gaskkas Norggas. 2005:s áigu Ráđđehus juolludit 2,7 miljovnna ruvnno juohkit dieđuid sámi diliid ja sámi kultuvrra birra.

Sámi viessu lea Akersgatas Oslos.

03.12.2004