250 000 kruvdna Infonurrii — neahttabáiki sámi nuoraide
Historjjálaš arkiiva
Almmustahttináigodat Regjeringen Bondevik II
Almmustahtti: Kommunal- og regionaldepartementet
Preassadieđáhus | Almmustahtton: 07.03.2005 | Maŋimuš ođasmahttojuvvon: 24.10.2006
Gielda- ja guovlodepartemeanta lea juolludan 250 000 kruvnno Nordlándda fylkkagildii doarjjan Neahttabáikki Infonuorra viidáset doibmii. Infonuorra lea sámi nuoraid gávnnadanbáiki golmma sámegillii. (07.03.2005)
250 000 kruvdna Infonurrii – neahttabáiki sámi nuoraide
Gielda- ja guovlodepartemeanta lea juolludan 250 000 kruvnno Nordlándda fylkkagildii doarjjan Neahttabáikki Infonuorra viidáset doibmii. Infonuorra lea sámi nuoraid gávnnadanbáiki golmma sámegillii.
- Infonuorra oažžu sámi nuoraid geavahit iežaset gielaid ođđaáigásaš gulahallangaskaomiid bokte, gos unnitgielat dábálaččat bázahallat. Mun lean ilus go departemeanta sáhttá leat mielde doarjume dán doaimma, lohká stáhtačálli Ellen Inga O. Hætta.
Infonuorra rahppui almmolaččat miessemánu 13. beaivvi 2004, buot guovlluid sámi nuoraid gávnnadanbáikin. Sámi nuorat doaimmahit neahttaábáikki buori muddui iehččaneaset, ja doppe leat dieđut davvi-, julev- ja oarjelsámegillii, ja vel dárogillii. Prošeavtta ulbmilin lea sihkkarastit sámi nuoraide áigeguovdilis dieđuid seamma dásis go dáčča nuorat ožžot, nugo oahpu, barggu, dearvvašvuođa, astoáiggi ja servodaga birra. Statistihkka čájeha ahte dađistaga eanebut lohket siidduid, sihke sámi nuorat ja dáčča nuorat mat ohcet dieđuid sámi dilálašvuođaid birra. Sámi ofelaččat atnet Infonuorra iežaset diehtojuohkinkanálan.
- Ráđđehusa mihttomearri lea lágidit vejolašvuođaid geavahit sámegiela almmolaččat, lasihit almmolaš dieđuid hivvodaga sámegillii ja lasihit diehtojuohkima sámi dilálašvuođaid birra dárogillii dáčča álbmoga várás. Infonuorra lea čájehuvvon leat deaŧalaš oasseváldi dáid ulbmiliid deavdimis, lohká Ellen Inga O. Hætta.