-Viiddis dieđihemiin masa gullet 64 blohka Barents-ábis ja Norgga-ábis, mii odne bidjat vuođu ođđa doaimmaide ja árvohuksemii davvin. Dát lea jagi 1996 rájis Barents-ábi unnán dovdojuvvon osiid vuosttamuš dieđiheapmi. Go juohkit bohkanlobi dáin áhpeguovlluin, de oljosearvvit ožžot vejolašvuođa hukset guovlluid main lea stuorra resursavejolašvuođat, cealká oljo- ja energiijaministtar Thorhild Widvey.

Ráđđehus dieđiha 64 blohka 19. konsešuvdnavuorus. Vuorru fátmmasta 30 blohka mat leat Barents-ábis ja 34 blohka mat leat Norgga-ábis. Norgga-ábi blohkat leat juhkkojuvvon máŋgga sierranas guovlluide vai sihkkarastojuvvo ahte buriid-lohpideaddji guovllut iskojuvvojit. Dieđiheapmi maid bidjá vuođu iskkadeapmái mii ovdána vuoruid mielde ja beaktilit Barents-ábis, man dieđihuvvon guovlluin leat váldoblohkat mat heivejit viidát guovlluid geologiija iskkadeapmái. Dieđiheapmi čuovvu garra birasgáhttennjuolggadusaid mat nannejuvvojedje go ráđđehus mearridii fas rahpat Barents-ábi.

- Petroleum-ealáhus buktá gánnáhahtti, dássidis ja diehtovuđot bargosajiid. Snøhvit-báikki ovddideapmi lea čájehan ahte oljo- ja gássaealáhus lea deaŧalaš Davvi-Norgga doaimmaide ja boahtteáigemoktagii, ja erenoamážit Finnmárkkus. Ođđa gávdnosat sáhttet ollu mearkkašit olbmuid bargovejolašvuođaide ja ealáhusovdáneapmái miehtá mearragátti, dadjá stáhtaráđđi Thorhild Widvey.

- Norgalaš doaibmalassáneapmi Barents-ábis bidjá vuođu dasa mii sáhttá šaddat Eurohpa deaŧaleamos petroleumprovinsa. Lagaš ovttasbargguin Ruoššain mii maid sáhttit leat mielde ovddideamen buori biras- ja resursahálddašeami, dadjá oljo- ja energiijaministtar Widvey.

Golggotmánu 14. b. 2004 Oljo- ja energiijadepartemeanta almmuhii áigeplána 19. konsešuvdnavuoru várás ja ahte dat šaddá fátmmastit guovlluid mat leat Barents-ábis ja Norgga-ábis.

Ohcanáigemearri 19. konsešuvdnavuoru várás lea skábmamánu 15. b. 2005 ja plánejuvvon juogadeapmi jagi 2006 vuosttaš jahkenjealjádasas.

Ráđđehusa áigumuš lea meannudit dievas hálddašanplána ovdalgo 19. konsešuvdnavuoru blohkaid plánejuvvon juogadeapmi čađahuvvo jagi 2006 vuosttaš jahkenjealjádasas. Ovdehussan lea ahte blohkaid vejolaš juogadeapmi ja juogadaneavttut (namalassii Barents-ábi viđa riddolagaš blohkaid) eai boađe vuostálagaid hálddašanplána loahppajurdagiin.

Čuovvovaš blohkat dahje blohkkaoasit leat dieđihuvvon 19. konsešuvdnavuorus:

6201/4, 5, 6, 7, 8, 9

6202/4, 5, 7, 8, 9, 12

6204/6, 8, 10

6205/3

6302/5, 7, 8

6305/6

6403/2, 3

6406/11

6503/11, 12

6505/3, 6, 9

6506/1, 4

6603/5, 6, 7, 8

7123/4

7124/5, 6

7125/4, 5

7220/1, 2, 4, 5

7224/6

7225/4

7226/2, 3

7227/1

7228/1, 2

7229/6, 7, 8, 9

7230/1, 2, 3, 4, 5, 6

7231/4

7324/7, 8

7329/11

Kárta (pdf formáhta)

Dieđihuvvon blohkat Norgga-ábis

Dieđihuvvon blohkat Barents-ábis