Ođđa miellahtuid ja várrelahtuid nammadeapmi Norgga kulturráđđái

Odne leat stáhtaráđis nammaduvvon vihtta ođđa miellahtu ja golbma várrelahtu Norgga kulturráđđái 2014 ođđajagimánu 1. beaivvi 2017 juovlamánu 31. Beaivvi áigodahkii.

- Norgga kulturráđis lea dehálaš sajádat norgga kultureallimis – sihke Norgga kulturfoandda hálddašeaddjin ja ráđđeaddin kulturgažaldagaid oktavuođas. Ráđis galgá leat alla fágalaš gelbbolašvuohta viiddis dáiddalaš suorggis, ja galgá ovddastis viiddis geográfalaš  guovllu. Dát eavttut leat bures vuhtiiváldojuvvon dan ráđis mii galgá juohkit Norgga kulturfoandda ruđaid jagi 2014 rájes. Ráđđi lea dál gelddolaš áigodagas. Jagi 2014 rájes ráđđi oažžu eanet fápmudusaid hálddašit ruđaid fágarájáid rastá. Guorahallamis Norgga kulturráđi dievaslaš doaimma čalmmustahttá maiddái ráđi doaimma, dadjá kulturministtar Thorhild Widvey.

Norgga kulturráđis leat logi miellahtu ja várrelahtut dárbbu mielde. Ráđi miellahtuid, oktan jođiheddjiin, ja várrelahtuid nammada Gonagas departemeanta evttohusa vuođul. Miellahtut nammaduvvojit njealji jahkái. Nammadeapmi ođastuvvo nu ahte bealli miellahtuin nammaduvvojit juohke nuppi jagi.

Norgga kulturráđis lea 2014 ođđajagimánu 1. beaivvi rájes čuovvovaš miellahtut:

Ráđđelahttun 2014 ođđajagimánu 1.beaivvi rájes gitta 2017 juovlamánu 31.beaivvi rádjai lea dát nammaduvvon:

Soon-Mi Chung(1952) ássá Oslos. Son lea musihkkár ja pedagoga Barratt Due musihkkainstituhtas ja Barratt Dues Juniororkeastara dáiddalaš jođiheaddji. Son lea ožžon moanaid bálkkašumiid –Norgga kulturráđi 2012 gudnebálkkašumi man son oaččui ovttas Stephan Barratt-Due:n.

Anne Oterholm (1964) ássá Åsas. Son lea girječálli ja lea váldán cand.philol. oahpo Oslo Universitehtas. Oterholt lea bargan árvvoštallin ja čállin. Áigodaga 2005 gitta 2012 rádjai lei son Norgga Girječálliidsearvvi jođiheaddji.

Anne Marit Noraker (1971) ássá Nord-Aurdalas ja lea leamašan Valdres-musea direktevra 2011 rájes. Áigodaga 1996-2011 barggai son Oslo gávpotarkiivvas. Noraker lea cand. mag. etnologiija, arkiivadiehtaga, historjá ja stáhtadiehtaga surggiin.

Geir Haraldseth (1977) ássá Stavangeris. Son lea Rogaland Dáiddaguovddáža jođiheaddji. Son lea oahpu váldán the Center for Curatorial Studies New York gávpogis ja Central Saint Martin’s London gávpogis. Son lea maiddái leamašan čállin moanaid fágalaš áigečállagiin.

Arne Fagerholt (1964) ássá Orkdalas. Son lea váldán baleahttadánsun ja koreográfa oahpu ja lea virgáiduvvon kulturjođiheaddjin Orkdal suohkanis. Fagerholt nammaduvvui vuosttaš geardde ráđi miellahttun 2012 ođđajagimánu 1.beaivvi, ja nammaduvvo dál fas ođđa áigodahkii.

 

Várrelahttun 2014 ođđajagimánu 1.beaivvi - 2017 juovlamánu 31.beaicvvi áigodahkii leat nammaduvvon: 

Sven Åge Birkeland (1960) ássá Bergenis gos son jođiha BIT Teatergarasjen, dansebiennalen Oktoberdans ja teaterbiennalen Meteor. Son oaččui jagi 2010 “Danseinformasjonens Gudnebálkkašumi”.

Roy Høibo (1948) ássá Suldal suohkanis ja lea Ryfylkka musea luohpi direktevra. Sus lea etnologiija mastergráda oktan doarjjafágaiguin historjá ja dárogiella, ja lea čállán moanaid girjjiid, artihkkaliid, čájáhusčállosiid, logaldallamiid ja čielggademiid. Høibo lea 1999 rájes nammaduvvon professoran.

Kirsti Mathiesen Hjemdahl (1967) ássá Kristiansandas. Son lea seniordutki ja gávpeovddideaddjin Agder-dutkamis. Son lea váldán Dr. art. oahpu Bergen Universitehtas. Kirsti Mathiesen Hjemdahl lea maiddái kulturealáhusaid suorgeráđi jođiheaddji maid GOD lea nammadan.

Maŋŋil nammadeami lea dát mielde ráđis:

Nammaduvvon 2012 – 2015 áigodahkii:

Jođiheaddji: Hálddah.dir./ šuokŋadahkki Yngve Slettholm, Oslo
Miellahttu: Neavttár Asta Busingye Lydersen, Oslo (1. sadjásašjođiheaddji )
Miellahttu: Musihkkár Arnfinn Bjerkestrand, Oslo (2. sadjásašjođiheaddji)
Miellahttu: Kurator  Marianne Olsen, Romsa
Miellahttu: Dáiddalaš jođiheaddji Iren Reppen, Oslo

Várrelahtut:
1: Govvadáiddár Geir Harald Samuelsen, Oslo
2: Dáiddalaš jođiheaddji Luva Kuzovnikova, Girkonjárga

Nammaduvvon ráđđái 2014 – 2017 áigodahkii:

Musihkkár Soon-Mi Chung, Oslo
Kulturjođiheaddji Arne Fagerholt, Orkdal
Beaivválaš jođiheaddji Geir Haraldseth, Stavanger
Girječálli Anne Oterholm, Ås
Museadirektevra Anne Marit Noraker, Nord-Aurdal

Várrelahtut:
1: Direktevra Sven Åge Birkeland, Bergen
2: Direktevra Roy Høibo, Sand
3: Dutki Kirsti Mathiesen Hjemdal, Kristiansand