10 miljovnna ruvnno ođđa geahččalanprojektii mas vuovdit norgga dihtorspealuid olgoriikkaide

Historjjálaš arkiiva

Almmustahttináigodat Solberga ráđđehus

Almmustahtti: Kulturdepartemeanta

Preassadieđáhus | Nr: 83/15 | Almmustahtton: 27.08.2015 | Maŋimuš ođasmahttojuvvon: 01.09.2015

Odne almmuhuvvo geahččalanprojeakta Spealut olgomáilbmái. Dát lea ovttasbargoprojeakta gaskal Kulturdepartemeanta, Norgga filbmainstituhtta ja Innovašuvdna Norgga. Prográmma galgá doarjut ja veahkehit norgga dihtorspeallan fitnodagaid, main leat áigumušat riikkaidgaskasaččat vuovdit gálvvuideaset seammás go leat ahtanuššanvejolašvuođat, háhkat máhtolašvuođa ja kapitála.

Vuosttaš čoahkkin kultuvrralaš ja hutkás ealáhusaid Ealáhuspolitihkalaš ráđis. Gurut ravddas: Erik Brataas, Anne Gaathaug, Kai Robøle, Fredrik Sundt Breien, Anita Krohn Traaseth, Tor Jonasson, Monica Mæland, Rolf Assev, Thorhild Widvey, Stine Helén Pettersen, Elisabeth Sjaastad, Bente Sollid Storehaug, Erlend Mogård-Larsen, Anne-Britt Gran ja Kim Daniel Arthur. Peter Aalbæk Jensen lei mielde čoahkkimis, muhto ii leat mielde govas. Govva: Ketil Frøland / Kulturdepartemeanta

- Kultuvra lea ahtanuššanealáhus, norgga dáidda ja kultuvra nannejit norgga gilvalanfámu máilmmi gávpemárkanin, dadjá kulturministtar Thorhild Widvey.

- Kulturdepartemeanta ja Innovašuvdna Norga juolludit vihtta miljovnna goabbáge ođđa geahččalanprošektii mii galgá vuovdalit dihtorspealuid olgoriikkaide. Lea vuosttaš geardde go Innovašuvnna Norgga lea ožžon bargodoaimma Kulturdepartemeanttas, dadjá ealáhusministtar Monica Mæland. Duorastaga doalaiga kulturministtar Widvey ja ealáhusministtar Mæland álggahansártni kultuvrralaš ja hutkás ealáhusaid Ealáhusráđi vuosttaš čoahkkimis.

- Dihtorspealut lea fidnosuorgi mii dađistaga ahtanuššá, ja mas dál láhččet lagas ealáhuslaš ovttasbarggu gaskal Kulturdepartemeanta, Filbmainstituhta ja Innovašuvdna Norgga. – Spealut olgomáilbmái galgá plána mielde almmuhuvvot jagi 2016:s. Mihttomearri lea lasihit gálvovuovdima ja olgoriikkaide vuovdima, cealká kulturministtar Widvey.

Ealáhusministtar Monica Mæland, Innovašuvdna Norgga direktevra Anita Krohn Traaseth ja kulturministtar Thorhild Widvey. Govva: Ketil Frøland / Kulturdepartemeantta

- Globaliseren ja digitaliseren dagahit ahte álkibut joksá ođđa márkaniidda, gávppašeddjiide ja lágideddjiide. Dattetge norgga kultuvrralaš ja hutkás ealáhussuorggit vuvdet beare unnán olgoriikkalaš márkaniidda. Spealut máilbmái projeavttas leat stuorra vejolašvuođat, dadjá Innovašuvdna Norgga direktevra, Anita Krohn Traaseth.

Innovašuvdna Norga dat galgá ovttasráđiid Kulturdepartemeanttain, Norgga filbmainstituhtain ja ealáhussurggiid hábmet álggahanprográmma sisdoalu.