Reviderejuvvon nationálabušeahtta:
Nannet gulahallanbarggu osku- ja eallinoaidnosuorggis
Historjjálaš arkiiva
Almmustahttináigodat Solberga ráđđehus
Almmustahtti: Kulturdepartemeanta
Preassadieđáhus | Nr: 43/15 | Almmustahtton: 12.05.2015 | Maŋimuš ođasmahttojuvvon: 19.05.2015
Ráđđehus árvala reviderejuvvon nationálabušeahtas 2015 lasihit 4 miljovnna gulahallandoaibmabijuide ja eará doaibmabijuide eastadit radikaliserema.
Ráđđehus ovddidii geassemánu 2014 doaibmaplána doaibmaplána radikaliserema ja veahkaválddálaš ekstremismma vuostá. Okta doaibmabidju plánas leai nannet gulahallanbarggu osku- ja eallinoaidnosuorggis.
-Gulahallan lea dehálaš ekstremismma ja radikaliserema eastadeamis, dat duddjo luohttevašvuođa mii lea mearrideaddjin guovttebeallásaš áddejumis, eastada ovdagáttuid ja unnida oktovuođadovdduid.
Diimmá almmuheapmi buvttihii stuora beroštumi olles siviilaservodagas, sihke oskuservodagat, ideála organisašuvnnat ja gielddat čájehedje stuora beroštumi, cealká kulturministtar Thorhild Widvey.
Kulturdepartemeanta almmuhii čakčat 2014 ruhtadoarjagiid gulahallanbargui ja doaimmaide eastadit radikaliserema ja ekstremismma. Departemeanta oaččui badjel 70 ohcamuša iešguđetlágan prošeavttaide osku- ja eallinoaidnoservodagain, eaktodáhtolaš organisašuvnnain ja gielddain ja ollislaš ohcansupmi leai sullii 16 miljovnna kruvnnu. Kulturdepartemeanta juolludii de 2,2 miljovnna kruvnnu 13 iešguđet lágan prošeavttaide.