Áigeguovdilis njuolggoliŋkkat

    Dokumeantavuorká

    Historjjálaš arkiiva

    Ráđđehus čielggada Tullinløkka boahtteáiggi geavaheami

    Historjjálaš arkiiva

    Almmustahttináigodat Solberga ráđđehus

    Almmustahtti: Kulturdepartemeanta

    Preassadieđáhus | Nr: 11/15 | Almmustahtton: 20.02.2015 | Maŋimuš ođasmahttojuvvon: 23.02.2015

    Ráđđehus lea álggahan konseaptaválljenčielggadusa (KVČ) Tullinløkka várás guovdu Oslo. –Mii áigut guorahallat movt mii sáhttit áimmahuššat mávssolaš huksehusaid ja ealáskahttit doaimmaid Tullinløkka guovllus, cealká gielda- ja ođasmahttinministtar Jan Tore Sanner.

    Gávpotovddideami gávpotráđđi Bård Folke Fredriksen, kulturministtar Thorhild Widvey ja gielda- ja ođasmahttinministtar Jan Tore Sanner Tullinløkkas.
    Gávpotovddideami gávpotráđđi Bård Folke Fredriksen, kulturministtar Thorhild Widvey ja gielda- ja ođasmahttinministtar Jan Tore Sanner Tullinløkkas. Govva: Govva: Ketil Frøland/Kulturdepartemeantta

    -Dát guovlu ja erenoamážit ásahusat Tullinløkka guovllus leat mearkkašan hui ollu Norgga riikii.  Tullinløkka lagasbirrasis lea stuora historjjálaš árvu.  Dáppe leat dehálaš našunála akademiija- ja kulturásahusat. Dan geažil lea dehálaš ahte mii dál viimmat oažžut ollislaš čielggadusa mas árvaluvvojit boahtteáiggi vejolašvuođat, dadjá kulturministtar Torhild Widvey.

    Statsbygg galgá jođihit konseaptaválljenčielggadusa. Čielggadus ja kvalitehtasihkkarastindoaimmat galget čađahuvvon ovdal jahkemolsuma.

    -Dát guovlu lea ollu divaštallojuvvon ja nu maiddái muhtun huksehusat Tullinløkkas. Guovlu lea dehálaš oassi Oslo guovddážis, dáppe leat ollu historjjálaš huksehusat ja mii háliidat árvvoštallat dán guovllu oktilaččat. Dál oažžut mii máŋga árvalusa movt sihke huksehusaid ja gávpotguovllu sáhtašii ovddidit boahtteáiggis, cealká Sanner.

    -Midjiide lea hui gelddolaš oaidnit čielggadusárvalusaid  ja illudat bargagoahtit viidáset dáinna áššiin. Mii vásihat ahte leat ollugat geain leat oaivilat movt huksehusaid, omd.  Nasjonalgalleriet galggašii geavahuvvot. Bargoproseassas mii dál álggahuvvo áigut mii geahčadit ja árvvoštallat buot oaiviliid, dadjá stáhtaráđđi Widvey. 

    Gávpotovddideami gávpotráđđi Bård Folke Fredriksen, kulturministtar Thorhild Widvey ja gielda- ja ođasmahttinministtar Jan Tore Sanner Tullinløkkas.
    Gávpotovddideami gávpotráđđi Bård Folke Fredriksen, kulturministtar Thorhild Widvey ja gielda- ja ođasmahttinministtar Jan Tore Sanner Tullinløkkas. Govva: Govva: Ketil Frøland/Kulturdepartemeantta

    Čielggadus guoskkaha čuovvovaš stáhtalaš huksehusaid: Nasjonalgalleriet (Universitetsgata 13), St.Olavs gate 32 (ovddeš Norges Geografiske Opmaaling, geavahuvvo Oslo Allaskuvllas ja Akershus), Historjjálaš Musea (Fredriks gate 2), lanjat maid Oslo Universitehta/Historjjálaš Musea geavahit (Frederiks gate 3).

    Geográfalaš guovlu mii gullá konseaptaválljenčielggadusbargui lea sárgojuvvon kártii dás vuollelis. Čielggadusbarggus galgá maid vuhtiiváldit dehálaš rádjemearkkaid mat gusket Oslo Universitehta guovddášhuksehusaide dán guovllu lulábealde ja “Entra-kvartála” dán guovllu davábealde. Dát guovlu lea sárgojuvvon boatkaneaddjilinnjáin.

     Tullinløkka (.pdf)

    KUD preassatelefovdna: t. 90 23 10 93

    GOD: Frode Jacobsen, t. 99 52 34 95

    Bajás