Speallamii darvánan olbmuid vuhtiiváldin lea deháleamos

- Lean nu rámis bidjat ovdan stuorradiggedieđáhusa "Alt å vinne – ein ansvarleg og aktiv pengespelpolitikk" (ođđadárogillii), dadjá kulturministtar Linda Hofstad Helleland. - Dát lea speallansuorggi vuosttaš prinsihpalaš ja ollislaš geahčadeapmi 2009 rájes. Dieđáhus válddaha ruhtaspeallosuorggi stuorra ovdáneami maŋimuš jagiid, ja mo mii galgat láhčit dili buori ruhtaspeallopolitihkkii boahtteáiggis, dadjá kulturministtar Hofstad Helleland.

- Dieđáhus ráhkkanahttá ruhtaspeallama muddemii ollislaš ja nana modealla mii čuovvu teknologalaš ovdáneami, dadjá kulturministtar. – Váldoulbmilin lea sihkkarastit ahte lotteriijat ja ruhtaspealut fállojuvvojit oadjebas ja geatnegas oktavuođain  eastadan dihtii sávakeahtes speallanláhttemiid. Ráđđehus oaivvilda ahte dálá modealla mas stáhtalaš aktevrrain lea oktovuoigatvuohta fállat eanaš ruhtaspealuid, heive buoremusat olahit vásttolaš speallanfálaldaga ulbmila. Norsk Tippinga ja Norsk Rikstoto buriin nationála fálaldagain ja eanet ođđa doaibmabijuiguin mat suddjejit muddejuvvon aktevrraid, mii nanosmahttit oktovuoigatvuođamodealla, dadjá kulturministtar Linda Hofstad Helleland.

Stuorradiggedieđáhus dieđiha maiddái dan ahte ruhtaspeallopolitihka mudden galgá čohkkejuvvot láhkii mii galgá gustot ruhtaspellui, lotteriijai ja totalisáhtorspealuide. Láhkabarggu oktavuođas nannejuvvojit vásttolaš spealuid deháleamos doaibmabijut láhkaásahussii. Kulturdepartemeanttas galgá leat ovddasvástádus olles ruhtaspeallosuorggis. Nie sihkkarastit ollislaš ja einnostahtti muddema.

Eanet ruhtaspeallodieđáhusa ovdanbuktimiid birra (ođđadárogillii)