Eaktodáhtolaš searvevuohta

Eaktodáhtolaš kultureallin

Ráđđehus evttoha nannet eaktodáhtolaš kultureallima 10 milliuvnna ruvnnain. 5 milliuvnna galgá biddjot nannet koarradoaimmaid ja 5 milliuvnna fas amatevrateáhterii.

– Eaktodáhtolaš kultureallin lea dat maid olbmot vásihit iežaset árgabeaivvis. Eanet ruđat amatevrateáhterii ja koaraide nanne dáidda- ja kultureallima eaktodáhtolaš doaimmaid. Dát ráđđehus lea vuoruhan eaktodáhtolaš kultureallima olles áigge, ja evttohusas 2018 bušeahtas dahkat dan ain eambbo ja lea dehálaš eaktodáhtolaš kultureallima nannema joatkin, lohká kulturministtar Linda Hofstad Helleland.

Lasáhus amatevrateáhterdoaimmaide galget adnojuvvot amatevrabuvttademiid bihtáide ja rusttegiidda, ee. prošeavttaide mat maiddái leat mánáide ja nuoraide. Ruđain, mat mannet koarradoaimmaide, galget 3 milliuvnna adnojuvvo nannet Doaibmaruhtadeapmi koaraide doarjjaortnega, ja 2 milliuvnna fas nannet koarradirigeantta ortnega.

Searveboradeapmi boarrásiidda

Ráđđehus evttoha atnit 5 milliuvnna ruvnna eaktodáhtolaš organisašuvnnaide mat lágidit dakkár doaimmaid gos boarrásat besset boradit muhtuniin ovttas. 

– Beassat boradit muhtuniin ovttas lea álgu buriid ságastallamiidda ja unnit aktonasvuhtii. Máŋga boarrása leat ollu akto, ja dáinna doaimmain sávvat mii dan, ahte eaktodáhtolaččat galget veahkehit oažžut oktavuođaid boarrásiid ja eaktodáhtolaččaid gaskii, lohká kulturministtar Linda Hofstad Helleland.

Eavttut dáid ruhtajuolludemiide almmuhuvvo Kulturdepartemeantta neahttasiidduin ođđajagis.

Eaiggátkeahtes árbi addá 24,5 milliuvnna ruvnna astoáiggedoaimmaide mánáide ja nuoraide

2018:s manná 24,5 mill. ruvnna eaiggátkeahtes árbbis eaktodáhtolaš doaimmaide mánáide ja nuoraide. 

– Ráđđehus lea nannen eaktodáhtolašvuođa dakko bokte ahte eaiggátkeahtes árbi manná mánáide ja nuoraide eaktodáhtolaš organisašuvnnain dan sadjái go stáhtii. Ruđat juolluduvvojit Landsrådet for Norges barne- og ungdomsorganisasjoner (LNU) (Norgga mánáid- ja nuoraidorganisašuvnnaid riikaráđđi, NNR). NNR juohká ruđaid našunála ja regionála organisašuvnnaide geat čađahit eaktodáhtolaš doaimmaid mánáide ja nuoraide. Dát lea dehálaš ortnet mii nanne mánáid ja nuoraid doaimmaid viidodaga ja luvve stáhta eanet eret eaktodáhtolašvuođas, lohká kulturministtar Linda Hofstad Helleland.

Diktit árbbi olbmuin geain eai leat árbbolaččat mannat eaktodáhtolaš organisašuvnnaide lea Sundvolden-julggaštusa ollašuhttin. Eaktodáhtolaš organisašuvnnat ráhkadit deaivvadanbáikkiid gos miellahtut oassálastet daidda doaimmaide maidda háliidit ja gos sii sáhttet ovdánahttit čehppodagaset ja máhtuidasaset.

Lassiárvodivat-/Momsabuhttenortnet

Momsabuhtten eaktodáhtolaš organisašuvnnaide lea dat deháleamos doarjjaortnet eaktodáhtolaš sektovrii. Dán ortnega evttohit lasihit 28,6 milliuvnna ruvnnuin – 1,35 miljárda ruvdnui.

Dát ortnet lea lassánan measta 400 milliuvnna ruvnnuin 2013 rájes. Dát lea eaŋkilis ja unnán byråkráhtalaš ortnet mii oliha buot eaktodáhtolašvuođa. 2016:s ožžo lagabuidda 23 000 organisašuvnna buhtadeami. Ortnet lea dehálaš gaskaoapmi ovddidit eaktodáhtolaš doaimmaid. 

Juolludeapmi buhtadit lassiárvodivvaga eaktodáhtolaš organisašuvnnaide galgá buhtet daid lassigoluid mat eaktodáhtolaš organisašuvnnain lea máksit lassiárvodivvaga go ostet gálvvuid ja bálvalusaid. Jus juolludeapmi ii govčča buot goluid, de galgá unnideapmi proseantta mielde leat seamma dásis buot dohkkehuvvon ohcamiin. Ruđaid sáhttá atnit friddja doaimma ii-dienas ja eaktodáhtolaš doaimmaide, ja organisašuvnnat eai dárbbaš addit raportta mot sii leat daid ruđaid atnán.

Momsabuhtten falástallanrusttegiid huksemii

Ráđđehus evttoha juolludit 185 milliuvnna ruvnna buhttet lassiárvodivvaga go huksejit falástallanrusttegiid. Dát lea 14 milliuvnna ruvnna eambbo go dat mii juolluduvvui 2017:s. Ulbmil buhttenortnegiin lea geahpedit falástallanjoavkkuid ja servviid rusttetháhkamiid ruhtadeami. Juolludanevttohus lea golmma geardde eanet go juolludeapmi 2013:s.