Kultur- ja dásseárvoministtar: – Čuohcá Norgga kulturealáhussii
Historjjálaš arkiiva
Almmustahttináigodat Solberga ráđđehus
Almmustahtti: Kulturdepartemeanta
Preassadieđáhus | Nr: 11/20 | Almmustahtton: 18.03.2020
– Ráđđehus ásahii vuosttaš doaibmapáhka odne, ja das leat buorit doaimmat. Earret eará oanidit áigodaga, man ovddas bargoaddi galgá máksit bálkká, 15 beaivvis guovtti beaivái. Dasa lassin leat vearuheami bokte geahpedeamen iehčanas ealáhusdolliid dili. Dat lea buorrin maiddái kultursuorgái. Seammás lea mávssolaš deattastit ahte dát lea easkka álgu. Mii bargat ain garrasit dan nammii, ahte gávdnat eanet doaimmaid, maiguin geahpedit kultursuorggi dili, dadjá kultur- ja dásseárvoministtar Abid Q. Raja.
– Go min dáidda- ja kulturásahusat leat gitta, lágidemiid šluhttejit ja barggut eai boađe, de jávket boađut. Mun almmuhin ikte ahte eai dárbbaš máksit ruovttoluotta doarjagiid, mat leat jo máksojuvvon kulturlágidemiide, mat eai lágiduvvo, dadjá kultur- ja dásseárvoministtar.
– Mii gulahallat ain buriin ja konstruktiiva vugiin kultuvrra ja eaktodáhtolašvuođa guovddášservviiguin, ja ovttas ohcat deaivilis čovdosiid, dadjá kultur- ja dásseárvoministtar Abid Q. Raja. Giittán buot dáidda- ja kulturealáhusaid, eaktodáhtolaš- ja valáštallansuorggi ereliiggán fiinna olbmuid, geat dáid beivviid leat solidáralaččat, árvasat ja viisát dahkan mearrádusaid olbmuid buorrin.
Ráđđehus lea odne ovddidan jođánis doaimmaid, maiguin geahpedit koronavirusa ekonomalaš čuohcama servodahkii. Loga eanet doaimmaid birra dakko: https://www.regjeringen.no/no/aktuelt/regjeringens-strakstiltak-for-a-dempe-de-okonomiske-virkningene-av-koronaviruset/id2693442/