Logi ođđa rekruterenearit guolástusfitnus

Jagi 2009 rájes lea departemeanta jahkásaččat almmuhan ođđa oassálastindoaibmalobiid, nuorra guolásteddjiide geain lea iežaset bivdofanas. Ulbmil lea dagahit álkibun háhkat iežas bivdofatnasa ja sihkkarastit rekruterema guolástanealáhussii.

Ordnet lea dušše vuolil 30 jahkásaš guolásteddjiide geain lea iežaset fanas. Jus leat badjel logi guolásteaddji geat ollašuhttet ođđajuogadeami eavttuid, de vuoruhuvvojit guolásteaddjit geain lea oahppu lassin guhkimus virgedilli guolástanfatnasis.

Departemeanta lea guktii čađahan dárkilastimiid ortnega ektui vai eastadit njuolggadusaid garvimis.

– Dárkilastin mearkkaša ahte mii čorget juohkima eavttuid mii nanne ortnega dohkálašvuođa, dadjá guolástusministtar.

Guolástusdirektoráhtta áigu lagamus áiggis almmuhit rekrutereneriid.

Dárkilastimat diimmá ortnega ektui

• Dákko bakte juhkkojuvvo bistevaš láhkavuođđu 11 mehtera guhkkosaš fatnasiidda mat aitto leat ožžon oassálastinlobi, vrd. láhkaásahusa § 5 goalmmát lađas. Ovdal lei  fatnasa guhkodat dihto áigemearis mii lei mearrideaddjin. Dát dárkilastin eastada ohcci gaskaboddosaččat oastit stuorit fatnasa dušše danin vai oažžu stuorit vuoigatvuođavuođu go maid muđui livččii ožžon.
• Láhkaásahusa § 3 vuosttaš lađđasa d-bustáva mielde ásahuvvo áigemearri goas ohcci maŋimusat galgá leat oastán fatnasa. Jus ohcci ii oamas fatnasa dalle go ohcamuša čállá, de ferte dan oastit maŋimusat ođđajagimánu 1.beaivvi jagi 2016. Dát dárkilastin dagaha ahte ii juhkkojuvvo oassálastinlohpi ohcciide geain eai leat realisttalaš fanasoastin plánat.

Instruks - ordning med nytildeling av deltakeradganger i rekrutteringsøyemed for 2016 [pdf]