Internationála ovttasbargu, humaniteara veahkki ja olmmošvuoigatvuođat vuoruhuvvojit

- Mis smávva našuvdnan lea buot vuoitit máilmmiin mii lea bures organiserejuvvon nana vuorddehahtti, multilaterála bargovugiiguin. Mii ferte nannet geatnegahtti internationála ovttasbarggu áimmahuššan dihte norgga ássiid sihkkarvuođa ja buorredili.

Deaŧalaš áŋgiruššamat Olgoriikkadeapartemeantta 2020 bušeahtas lea Barentsráđi ovdagoddi, birasovttasbargu Ruoššain ja kampánja oažžut norgga miellahttovuođa ON:a sihkkarvuođaráđđái.

Veahkkebušeahtas lasihuvvo earenoamážit humaniteara suorggi ja olmmošvuoigatvuođaid áŋgiruššan, earret rašis stáhtaid dássema.

- Dat humaniteara dárbbut máilmmis leat lassánan garrasit daid maŋemus jagiid, ON: dieđu mielde eai leat goassege leamaš eanet olbmot geat dárbbašit humaniteara veahki. Ráđđehus lea čađahan historjjalaš humaniteara responsa áŋgiruššama vástidan dihte dasa, dadjá olgoriikaministtar.

2013 rájes lea ráđđehus bajidan obbalaš humaniteara bušeahta 68 proseanttain. Áŋgiruššan jotkojuvvo 2020:s evttohuvvon lasáhusain mii lea 115 miljovnnna ruvnnos 5,5 miljárdda ruvdnui.

Ráđđehus evttoha maiddái loktet doarjaga bargui olmmošvuoigatvuođaiguin 77 miljovnna ruvnnuin oktiibuot 825 miljovnna ruvdnui.

- Deaddu olmmošvuoigátvuođaid vuostá lassána globálalaččat. Ráđđehus joatká nannet olmmošvuoigatvuođaid áŋgiruššama internationálaččat, Granavolden-geađgejuolggi mielde, lohká Eriksen Søreide.

Dasa lassin vuoruha ráđđehus lasihit juolludeami europaforskningii (Eurohpádutkamii) guhtta miljovnna ruvnnuin. Ođasmahttojuvvon máhttu ja ipmárdus movt rievdadusat Eurohpás váikkuhuhit midjiide, ja movt mii sáhttit dustet hástalusaid ja vejolašvuođaid maid dat addá áibbas dárbbašlaš ráđđehussii. Seammás šaddá Asia deaŧaleabbo ja deaŧaleabbo Norgii, ja lea danne evttohuvvon vihtta miljovnna ruvnno dutkanáŋgiruššamii "Asia i endring" (“Asia rievdame”).

Dasa lassin áigu ráđđehus lasihit EEO-ruđaid 1,7 miljárdda ruvnnuin ruhtadit daid šiehtadusaid mat juo leat dahkkojuvvon ruđaid hárrái.

Ráđđehus evttoha bajidit Olgoriikkadepartemeantta bušeahta goluid gosii 48 miljárdda ruvnnuin ja sisaboađuid fas 3,4 miljárdda ruvnnuin. Das lea 3,1 miljárdda ruvnno sihke gollo- ja sisaboahtobealis čadnojuvvon oanehisáiggi sirdašupmelotnii Somaliai. Obbalaš veahkkebušeahtta loktejuvvo 3,6 proseanttain 39,2 miljárdda ruvdnui.