Ođđa boazoáidekonvenšuvdna Suomain sáddejuvvon Stuorradiggái

Boazoáidekonvenšuvdna čilge boazoáiddiid ceggemiid ja divodemiid ja eará doaimmaid mat hehttejit bohccuid mannamis eará riikka guovlluide. Konvenšuvnna vuođđu lea ahte Norgga ja Suoma rádjá lea giddejuvvon boazodoalu rádjerasttildemiide. Konvenšuvnna ulbmilin lea juogadit ovddasvástádusa áiddiid ceggemiidda ja divodemiide ja eará doaimmaide mat hehttejit bohccuid rasttildeames rájá, ja dasto reguleret čuovvoleami go bohccot liikká rasttildit rájá.

Áiddit galget doarjut boazodoalliid guođohangeatnegasvuođa, namalassii nu guhkás go vejolaš hehttet ahte bohccot johtet nuppi riikka guovlluide.

Konvenšuvdna mearrida ahte áiddit galget ceggejuvvot Áŋŋelis Leavvajohkii. Dát mielddisbuktá ahte olles rádjá gaskal Norgga ja Suoma giddejuvvo boazoáiddiin earret Leavvajoga ja Buolbmága gaska (Riikkaurra 343). Suomas lea ovddasvástádus áiddiid ceggemis Áŋŋelis Boares Gáregasnjárgii (63 km), ja Norggas ges Boares Gáregasnjárggas Leavvajohkii (s. 81 km). Konvenšuvdna namuha maid ahte áideceggen galgá leat dahkkon viđa jagi siste dan rájes go konvenšuvdna boahtá fápmui.

Boazoáidekommišuvdnii galget nammaduvvot guhtta olbmo geain lea ovddasvástádus gozihit áiddiid ceggemiid ja divodemiid. Ovdaolmmožin doaibmá suopmelaš bárahisjahkeloguid ja norgalaš bárrajahkeloguid.

Konvenšuvdna lea fámus go Stuorradiggi ja Suoma riikkabeaivi leat dohkkehan šiehtadusa.

Go boazodoallolága rievdadusat fápmuibiddjojit, de 11. b. njukčamánu 1983 nr. 3 láhka fámuhuhtto seammás geassemánu 3. b. 1981 konvenšuvnna mielde mii lea Norgga ja Suoma gaskasaš boazoáiddiid ceggema ja eará doaimmaid váras mat hehttejit bohccuid rasttildeamis dán guovtti riikka rájá. 

• Prop 49 S (2015-2016) Dohkkehit juovlamánu 9. b. 2014 boazoáidekonvenšuvnna šiehtadeami gaskal Norgga ja Suoma boazoáiddiid ceggemiid ja divodemiid ja eará doaimmaid hárrái mat hehttejit bohccuid mannamis eará riikka guovlluide. (norsk) 
• Prop 50 L (2015-2016) Boazodoallolága rievdadusat jna. (boazoáidi Suoma rájá mielde ee.)