Árvobábirlávdegotti oasseguorahallan 1

Láhkaevttohusas áiggošit čađahit ođđa EEO-njuolggadusaid mat vástidit EU’ rievdadusaide rapporterendirektiivvas (2004/109/EF) jna. Lávdegoddi lea earret eará evttohan ahte bursii čállon fitnodagaid lága bokte geatnegahtton geatnegasvuohta kvartálaraporteret heaittihuvvo, ja ahte ásahuvvo levgengeatnegasvuohta máŋggalágan ruđalaš reaidduide. Lávdegoddi evttoha maiddái deattuhit ahte Finánsabearráigeahčču galgá bearráigeahččat máksinraporterema eiseválddiide árvobábirgávpelága § 5-5-a vuođul, nu gohčoduvvon riikkas riikii raporteren, njuolggadusaid vuođul mat gustojit bearráigeahččat duođašteaddji ruđalaš raporterema. Nannen dihtii olámuddui dahkama, de evttoha lávdegoddi ahte duođašteaddji galgá almmuhit raportta iežas ruovttusiiddus.

Guorahallan sáddejuvvo dábálaš gulaskuddamii.

Árvobábirlávdegoddi ásahuvvui miessemánu 22.b. 2015, ja dan jođiha Filip Truyen, Bergena Universitehta professor ja Wikborg Rein-adováhtafitnodaga doaibmaoasálaš. Lávdegoddi galgá geiget vel guokte oasseguorahallama, earret eará vurdojuvvon EEO-njuolggadusaid čađaheami birra mat vástidit direktiivvaide ja láhkaásahusaide márkaniid birra ruđalaš reaidduin (MiFID II/MiFIR) ja láhkaásahusaide márkanboasttugeavaheami birra (MAR). Finánsadepartemeanta áigu čuovvolit oasseguorahallamiid sierra láhkaevttohusain.

Loga eanet:

• NOU 2016: 2 Endringer i verdipapirhandelloven 
  – Flagging og periodisk rapportering
• Lávdegotti preassadieđáhus
• Lávdegotti mandáhtta
• Lávdegotti čoahkkádus