Lávdegoddi mii galgá čielggadit ovttasbargoekonomiija

-Ovttasbargoekonomiija sáhttá addit ovdamuniid geavaheddjiide ja ovddidit árvoráhkadeami ja buvttadeami. Mii leat bivdán lávdegotti árvvoštallat sihke vejolašvuođaid ja hástalusaid ovttasbargoekonomiija ovddideami oktavuođas, cealká ruhtadanministtar Siv Jensen (OB).

Ovttasbargoekonomiija mielde boađášedje ođđa márkanvejolašvuođaid ja gávppašanmálliid.  Norgga álbmot lea áigá juo geavahišgoahtán digitála čovdosiid, ja digitála siskkáldas struktuvra lea buorre. Ovttasbargoekonomiijas livčče dan dihte vejolašvuođat Norggas. Ovttasbargoekonomiija bokte lea vejolaš buorebut ávkkástallat friddja kapitálaváriid. Dat sáhttá geavaheddjiide addit  hálbbit gálvvuid ja lassi gálvo- ja bálvalusfálaldagaid.  

Ovttasbargoekonomiija váikkuha maid bargomárkanii. Bargoeallima ovddasteaddjit  galget maid leat mielde lávdegottis.

 

Mandáhta ja čoahkkádus
Tommy Staahl Gabrielsen, ekonomiija professor Bergen universitehtas, jođiha lávdegotti. Lávdegotti mandáhta lea čuovvovaččat:

• Árvvoštallat lea go dárbu muddet njuolggadusaid vai ovttasbargoekonomiija ja árbevirolaš doaimmahagat livčče eanet dássálagaid, ja árvvoštallat gávdnojit go njuolggadusat mat eai guoskka buot aktevrraide.  
• Árvvoštallat movt ovttasbargoekonomiija čuohcá bargoeallimii, nu go bargiide ja prošeaktačađaheddjiide. Lávdegoddi galgá árvvošallat váikkuhusaid jos iešheanálaš ealáhusdoallit lassánit, ja dárbbu rievdadit njuolggadusaid dán joavkku ektui.
• Guorahallat muddemiid dakkár gálvomárkaniin gos ovttasbargoekonomiija erenoamážit lea ovdánan, ja árvvoštallat dárbbu rievdadit muddemiid ođđa teknologiija ovdáneami dahje ođđa gávpemálliid geažil.
• Árvvoštallat lea go dárbu rievdadit márkangaskasaš muddemiid,  masa maid gullet geavaheddjiidvuoigatvuođat ja standárdagáibádusat.

Lávdegoddi galgá ovdal áigemeari guovvamánu 1.b. 2017 ovddidit árvalusastis. Ráđđehus bargá bálddalaga dárbbašlaš njuolggadusrievdademiiguin ja ođastusaiguin. Lávdegotti čielggadanbargu ii galgga gáržžidit dán barggu ovdáneami.

Loga eambbo mandáhta birra dáppe

 

Lávdegotti miellahtut:

• Professor Tommy Staahl Gabrielsen (jođiheaddji), Bergen
• Professor Espen Rasmus Moen, Oslo
• Advokáhtta  Siri Teigum, Oslo
• Ekonomiijahoavda Roger Schjerva, Halden
• Professor Tor Wallin Andreassen, Bærum
• Direktevra Randi Runa Svenkerud Flesland, Oslo
• Fitnodatálggaheaddji Anders Hordvei Mjåset, Oslo
• Direktevra Christine Korme, Oslo
• LO-čálli Trude Tinnlund, Fredrikstad