Nationálabušeahta 2019:
Nationálabušeahta 2019 čoavddalogut
Historjjálaš arkiiva
Almmustahttináigodat Solberga ráđđehus
Almmustahtti: Ruhtadandepartemeanta
Preassadieđáhus | Nr: 37/2018 | Almmustahtton: 08.10.2018
Ruhtadandepartemeanta almmuha ovtta oasi čoavddaloguin ovdal go nationálabušeahtta ja stáhtabušeahtta almmuhuvvo diibmu 10.00 vai buohkat besset árvvoštallat makroekonomalaš dieđuid mat sáhttet leat sensitiiva gálvomárkana ektui. Dárkilis meroštallojuvvon tabealla almmuhuvvo oktanaga nationálabušeahtain.
Váttisvuođat mat šadde heajos oljohattiid geažil 2014:s leat dál nohkan, ja ekonomiija konjunktuvrrat leat lassánišgoahtán. Lassáneapmi lea eanet go guhkesáiggi BNB-lassáneapmi, ja vuordimis dat lassána vel eanet boahtte jagi. Nationálabušeahta 2019 meroštallama vuođul nannánekonomiija lassána 2,3 proseanttain dán jagi ja 2,7 proseanttain boahtte jagi.
Bargomárkandilli lea sakka ovdánan, ja bargguhisvuohta lea ollu njiedjan miehtá riikka. Barggolašvuohta lea mealgat lassánan. Dál lassána maid bargoagi olbmuid lohku sin ektui geat leat bargodilis. Barggolašvuohta lea leamaš hui vuollin máŋga jagi, muhto dál dat lea lassánišgoahtán. 2019 Nationálabušeahtas meroštallojuvvo ahte bargguhisvuohta njiedjá 3,8 proseanttas 3,7 prosentii dán jagis boahtte jahkái.
2019 stáhtabušeahtas lea neutrála váikkuhus norgga ekonomiijai. Oljoboađuid geavaheapmi ii rievdda nannánekonomiija dáfus ja meroštallojuvvo 231,2 miljárdda ruvdnui 2019:s, mihtiduvvon struktuvrralaš, oljomuddejuvvon vuolláibáhcaga ektui. Dat vástida 2,7 proseantta Stáhta olgoriikka penšuvdnafoandda navdojuvvon kapitálas jagi álggus.
Tabealla: Nationálabušeahta 2019 ekonomiija váldologut
|
|
2017 |
2018 |
2019 |
|
||
|
Bruttonationálabuvtta Nannán-Norga1 |
2,0 |
2,3 |
2,7 |
|
||
|
Barggahus, olbmot1 |
1,1 |
1,6 |
1,3 |
|
||
|
Bargguhisvuođalogut, AKU (dássi |
4,2 |
3,8 |
3,7 |
|
||
|
Struktuvrralaš, oljomuddejuvvon bušeahttavuolláibáza, mrd. 2019-ruvnnu |
226,4 |
226,7 |
231,2 |
|
||
|
Bušeahttaimpulsa2 |
0,2 |
-0,1 |
0,0 |
|
||
|
SPU-golut3 |
2,9 |
2,6 |
2,7 |
|
||
1) Proseanttalaš rievdadus jos eará ii leat almmuhuvvon.
2) Struktuvrralaš, oljomuddejuvvon vuolláibáza proseantan BNP-Nannán-Norggas. Ovddit jagi rievdadus lea proseantaovttadaga mielde
3) Struktuvrralaš, oljomuddejuvvon vuolláibáza proseantan Stáhta olgoriikka penšuvdnafoandda (SPU) kapitálas jagi álggus.
Gáldut: Statistihkalaš guovddášbyrå ja Ruhtadandepartemeanta