350-ruvdnorádjá sihkkojuvvo

- Lea dehálaš ahte mii ráhkadat beaktilis vuogádaga priváhta olgoriikkasfievrridan gálvvuid divatmávssuid rehkenastimii ja mávssuide, ja váruhat ahte geavaheaddjit eai galgga dárbbašit máksit nu alla divadiid. Evttohuvvon ortnet lea buorre molssaeaktu, dadjá Jensen (OvB).

- Evttohusa mielde heaittihuvvo divatortnet mii lea leamaš hehttehussan gilvvohallanvuđot gávppiide Norggas, danne go neahta bokte sáhttá gávppašit divahis gálvvuid smávva supmiid ovddas. Dál galgá divatluvven heaittihuvvot. Norgga ealáhuseallin galggašii hui duhtavaš dainna. Evttohusa mielde galgá divat máksojuvvot šokoláda, njálgáid ja  minerálačázi ovddas maid olgoriikkas oastá neahta bokte, dadjá ruhtadanministtar Siv Jensen.

Ráđđehusa evttohusa deháleamos rievdadusat 350-ruvdnorájá heaittiheapmái:  

• Álkis registreren- ja raporterenortnet ráhkaduvvo lassiárvodivada rehkenastimii ja mávssuide, maid olgoriikalaš vuovdaleaddjit dahje e-gávppit mat fállet gálvvuid norgga geavaheddjiide galget ovddasvástidit. Ortnet galgá gustot gálvvuide main lea unnit árvu go 3 000 ruvnno. Dat čuovvu OECD njuolggadusaid mat gusket riikkaidgaskasaš gávppašeapmái ja EO-vuogádaga mii doaibmagoahtá 2021 rájes.
• Geavaheaddjit vásihit ahte lassiárvodivat lea mielde gálvohattis. Go gálvu joavdá riikkarádjái, de dat sáddejuvvo viidáset ja dan ovddas ii galgga divat ja toallu rehkenastojuvvot ja máksojuvvot. Álkis ortnega mielde geavaheaddji máksá vuollegis divada olgoriikkasfievrridan gálvvu ovddas, ja geavaheaddji oažžu maid buoret oppalaš gova gálvohattis go divatmáksu lea mielde gálvvuin maid oastá registrerejuvvon fitnodagain.
• Álkidahttojuvvon ortnega mielde luvvejuvvojit gálvvut mat toalloortnega bokte hálddašuvvojit. Biebmoávdnasat, nu go borramušgálvvut ja juhkamušat, alkohola, duhpát ja eará sierra divatgeatnegasgálvvut leat luvvejuvvon ortnegis. Dat mearkkaša ahte olgoriikalaš gálvovuovdaleaddjit ja e-gávppit eai dárbbaš čuovvut Norgga toallo- ja sierradivatnjuolggadusaid.
• Dát lea ođđa vuogádat, ja sii geaidda dat guoská dárbbašit áiggi čađahit dárbbašlaš rievdadusaid. Ruhtadandepartemeanttas lea jámma oktavuohta singuin. Áigumuš lea ahte álkidahttojuvvon ortnet galgá gustogoahtit cuoŋománu 1.b.2020.
• Borramušaid ja juhkamušaid, alkohola, duhpáha ja eará divatgeatneagasgálvvuid ovddas galgá divat ja toallu rehkenastojuvvot ja máksojuvvot go fievrriduvvojit rájá badjel. 350-ruvdnorádjá sihkkojuvvo borramušgálvvuin ja juhkamušain ođđajagimánu 1.b.2020.