Áigeguovdilis njuolggoliŋkkat

    Preassadieđáhusat

    Historjjálaš arkiiva

    Stáhtabušeahtta 2020:

    Nationálabušeahta 2020 čoavddalogut

    Historjjálaš arkiiva

    Almmustahttináigodat Solberga ráđđehus

    Almmustahtti: Ruhtadandepartemeanta

    Preassadieđáhus | Nr: 57/2019 | Almmustahtton: 07.10.2019

    Ruhtadandepartemeanta almmuha ovtta oasi čoavddaloguin ovdal go nationálabušeahtta ja stáhtabušeahtta almmuhuvvo diibmu 10.00 vai buohkat besset árvvoštallat makroekonomalaš dieđuid mat sáhttet leat sensitiiva gálvomárkana ektui. Dárkilis meroštallojuvvon tabealla almmuhuvvo oktanaga nationálabušeahtain.

    Maŋimuš golbma jagi lea Norgga ekonomiija bures ovdánan. Barggolašvuohta lassána miehtá riikka ja eanaš ealáhusain. Jáhkkimis barggolašvuohta lassána vel eanet ovddusgovlui, ja ahte nannánekonomiija ahtanuššá eanet go mii dán jahkái ja boahtte jahkái lea meroštallojuvvon.

    Bargomárkandili buorre ovdáneapmi joatká. Eanet ja eanet olbmot leat barggus. Dušše maŋimuš jagi leat 50 000 eanet olbmo ožžon barggu, ja dan logus barget njeallje viđa olbmos priváhta suorggis. Registrerejuvvon bargguhisvuohta ii leamaš logi jahkái nu vuollin go dál.  2020 Nationálabušeahtas meroštallojuvvo ahte bargguhisvuohta njiedjá 2,2 proseanttas 2,1 prosentii dán jagis boahtte jahkái.

    Ráđđehusa 2020 stáhtabušeahttaevttohusas lea oljoboađuid geavaheapmi unniduvvon 0,2 proseantaovttadagain jagi 2019 ektui, mihtiduvvon nannánekonomiija árvoráhkadeami oasi sturrodaga mielde ja meroštallojuvvon 243,6 miljárdda ruvdnui. Dat vástida 2,6 proseantta Stáhta olgoriikka penšuvdnafoandda navdojuvvon kapitálas jagi álggus.

    Tabealla: Nationálabušeahta 2020 ekonomalaš váldologut1

     

    2018

    2019

    2020

    Bruttonationálabuvtta Nannán-Norga

    2,2

    2,7

    2,5

    Barggolašvuohta, olbmot

    1,6

    1,6

    1,0

    Bargguhisvuođalogut, AKU (dássi)

    3,8

    3,5

    3,4

    Bargguhisvuođalogut, registrerejuvvon(dássi)

    2,5

    2,2

    2,1

    Struktuvrralaš, oljomuddejuvvon bušeahttavuolláibáza, mrd. 2019-ruvnnu

    226,8

    246,2

    243,6

    Bušeahttaimpulsa2

    -0,4

    0,5

    -0,2

    SPU-golut3

    2,5

    2,9

    2,6
    1. Proseanttalaš rievdadus jos eará ii leat almmuhuvvon.
    2. Struktuvrralaš, oljomuddejuvvon vuolláibáza proseantan BNP-Nannán-Norggas. Ovddit jagi rievdadus lea proseantaovttadaga mielde
    3. Struktuvrralaš, oljomuddejuvvon vuolláibáza proseantan Stáhta olgoriikka penšuvdnafoandda (SPU) kapitálas jagi álggus.

    Gáldut: Statistihkalaš guovddášbyrå ja Ruhtadandepartemeanta  

    Bajás