Stáhtabušeahtta 2022:
Divatgeatnegasvuohta eananvuđot bieggafámus
Historjjálaš arkiiva
Almmustahttináigodat Solberga ráđđehus
Almmustahtti: Ruhtadandepartemeanta
Preassadieđáhus | Nr: 81/2021 | Almmustahtton: 12.10.2021
Ráđđehus evttoha ahte eananvuđot bieggafámus galgá máksit divada 1 evrriin juohke kWh:s. Divatsisaboahtu galgá juogaduvvot suohkaniidda mat láhčet dili bieggafápmui.
-Mii evttohat eananvuđot bieggafápmui divada 1 evrriin juohke juohke kWh ovddas. Muttolaš ja vuollegis divat addá bieggafápmosuohkaniidda dietnasa ja seammás ráddjejuvvo divada dagahan negatiivvalaš váikkuhus investerendoaimmaidet, dadjá ruhtadanministtar Jan Tore Sanner (O).
Ráđđehus evttohii Reviderejuvvon nationálabušeahtas 2021 ásahit muttolaš buvttadandivada eananvuđot bieggafápmui 2022 rájes, ja njuolggadusat sáddejuvvojedje gulaskuddamii. Gulaskuddancealkámušain evttohuvvui ásahit divada fápmodoaimmahaga rusttegiidda mat buvttadit fámu. Ráđđehus lea vuhtiiváldán ealáhusa ja evttoha ásahit fápmobuvttadandivada.
Dan oktavuođas lea dárbu čielggadit EES-rievttálaš vuođu, ja dan geažil evttohuvvo ahte departemeanta mearrida goas divatortnet galgá doaibmagoahtit. Divatsisaboahtu manná stáhtii, muhto dat galgá juogaduvvot bieggafápmosuohkaniidda. Vuosttaš divatmáksu galgá čađahuvvot jagi 2023. Jagi 2022 divatsisaboahtu meroštallojuvvo sullii 165 miljovnna ruvdnui, girjejuvvon 2023:s.
Loga eanet: Prop. 1 LS (2020–2021) Skatter, avgifter og toll 2021, čuokkis 7.2.