Stáhtabušeahtta 2022:
Ceavzilis biiladivadat
Historjjálaš arkiiva
Almmustahttináigodat Solberga ráđđehus
Almmustahtti: Ruhtadandepartemeanta
Preassadieđáhus | Nr: 80/2021 | Almmustahtton: 12.10.2021
Ráđđehus evttoha divatlasihanpáhka mii hehtte divatsisaboađuid njiedjamis, ja árvvosmahttá olbmuid oastit eanet luoitogeahpedeaddji biillaid dahje biillaid mat eai oba luoitte ge CO2-gásaid.
– Vi er på god vei til å nå vårt mål om at alle nye personbiler og lette varebiler skal være nullutslippskjøretøy fra 2025. Bilavgiftene har vært et
-Mii leat buori muddui ollašuhttimin ulbmila ahte buot ođđa personbiillat ja geahppa gálvobiillat galget leat luoitogeahpedeaddji biillat jagi 2025 rájes. Biiladivat lea leamaš dehálaš váikkuhangaskaoapmi rievdadit biilapárkka birasseasti guvlui, dadjá ruhtadanministtar Jan Tore Sanner (O).
Dán rádjai leat 62,5 proseantta ođđa elbiillat vuvdojuvvon, ja vuollel 10 proseantta biillat mat geavahit fossiila boaldámuša. Seammás leat hybridbiillat, maid ferte láddet lassánan maŋimuš jagiid.
-Stuorámus hehttehus ollašuhttit 2025-ulbmila leat hybridbiillat maid ferte láddet. Hybridbiillat leat eanet birasseasti go biillat mat geavahit fossiila boaldámuša, muhto dat eai veahket ráđđehusa ollašuhttit ulbmila ahte buot ođđa personbiillat ja geahppa gálvobiillat galget leat luoitogeahpedeaddji jagi 2025 rájes. Danne lea dál áigi geahpedit divatovdamuniid daid biillaide ja árvvosmahttit olbmuid oastit biillaid mat eai oba luoitte ge birasgásaid, dadjá ruhtadanministtar.
Ulbmillaš ja árvvosmahtti vearro- ja divatvuogádat lea garrasit váikkuhan dasa ahte olbmot válljejit oastit biillaid mat eai nuoskit dahje eai luoitte birasgásaid oba ge, ja dat lea mielddisbuktán ahte sisaboahtu biiladivadiin lea njiedjan 65 mrd. ruvnnus váile 40 mrd.ruvdnui áigodagas 2013-2021.
-Jos dálá biiladivatvuogádat joatkašuvvá, de dat boahtá váikkuhit dasa ahte stáhta sisaboađut njidjet ain eanet boahttevaš jagiid. Ráđđehus evttoha danne divatlasihanpáhka hehtten dihte divatsisaboađuid njiedjamis, seammás go movttiidahttit olbmuid oastit biillaid mat eai luoitte birasgásaid. Sisaboahtu maŋŋil rievdadeami galgá adnot ruhtadit ceahkkevearu geahpádusaid, dadjá ruhtadanministtar.
Ráđđehus evttoha lasihit CO2-luoitinmeari personbiillaid geardedivadis ja čavget hybridbiillaid ovdamuniid geardedivadis. Evttohuvvo maid loahpahit ortnega man mielde elbiillat eai dárbbaš máksit ođđasitregistrerendivada ja ahte elbiillain galgá máksojuvvot olles johtolatdáhkádusdivat.
Evttohuvvo joatkit elbiillaid lassiárvodivatluvvema olggos jagi 2022.
Loga eanet Prop. 1 LS (2021–2022) Skatter, avgifter og toll 2022, čuokkis 9.4.