Reviderejuvvon nationálabušeahtta
Reviderejuvvon nationálabušeahta 2021 váldologut
Historjjálaš arkiiva
Almmustahttináigodat Solberga ráđđehus
Almmustahtti: Ruhtadandepartemeanta
Preassadieđáhus | Nr: 31/2021 | Almmustahtton: 11.05.2021
Ruhtadandepartemeanta almmuha ovtta oasi váldologuin ovdal go reviderejuvvon nationálabušeahtta almmuhuvvo diibmu 10.45 vai buohkat besset árvvoštallat dieđuid mat sáhttet leat sensitiiva gálvomárkana ektui. Dárkileappot meroštallojuvvon tabealla almmuhuvvo oktanaga reviderejuvvon nationálabušeahtain.
Koronapandemiija lea garrasit čuohcan Norgga ekonomiijadillái, muhto nuppi jahkebeali sáhttá dilli sakka buorránit. Dat movttiidahttá go njoammun lea njiedjagoahtán ja go eambbogat boahkuhit iežaset, muhto dilli lea ain hui duođalaš ja eahpesihkkar.
Ekonomalaš doaimmaid johtuibidjan lea sorjavaš das mo njoammundilli rievdá ja man johtilit boahkuheapme čađahuvvo ja man johtilit njoammuneastadandoaimmat loahpahuvvojit. Ráđđehusa reviderejuvvon nationálabušeahta Nannán-Norgga brutto nationálabuvtta logut (BNB) čájehit golmma láhkai man duođalaš ja eahpesihkkar dilli lea. Bušeahta vuođđun lea ahte mii lagamus áiggis nagodat boahkuhemiin hálddašit ja eastadit pandemiija, ja ahte Nannán-Norgga-BNB lassána ¾ proseanttain dán jagi ja boahtte jagi, geahča tabealla dás vuollelis. Lassáneapmi láhčá dili dasa ahte bargguhisvuohta fas galgá njiedjat boahtte jagi.
Oljoboađuid geavaheapmi meroštallojuvvo dál 402,6 mrd. ruvdnui, lagabui 90 miljárdda eanet go diimmá čavčča stáhtabušeahttaevttohusas. Ekonomalaš doarjjaortnegat pandemiija hálddašeapmái leat dagahan ahte lassáneapmi lea erenoamáš stuoris.
Jagi 2021 oljoruđaid geavaheapmi vástida 3,7 proseantta dan kapitálas mii lea foanddas jagi álggus, mii Nationálabušeahtas 2021 meroštallojuvvui 3,0 prosentii.
Bušeahttaimpulsa, mii lea meroštallojuvvon oljoruđaid geavaheami vuođul 2020 rájes 2021 rádjai, mihtu Nannán-Norgga árvoháhkamis, meroštallojuvvo dál 0,6 prosentii.
Tabealla: Oassi Reviderejuvvon nationálabušeahta váldologuin 20211
|
|
2020 |
2021 |
|
|
Bruttonationálabuvtta Nannán-Norga |
-2,5 |
3,7 |
|
|
Barggahus, olbmot |
-1,3 |
0,5 |
|
|
Bargguhisvuođalogut, AKU (dássi) |
4,6 |
4,4 |
|
|
Bargguhisvuođalogut, registrerejuvvon (dássi) |
5,0 |
3,5 |
|
|
Struktuvrralaš oljomuddejuvvon bušeahttavuolláibáza, mrd. ruvnno |
369,3 |
402,6 |
|
|
Bušeahttaimpulsa2 |
3,9 |
0,6 |
|
|
SPU-golut3 |
3,7 |
3,7 |
|
¹ Proseanttalaš rievdadus jos eará ii leat almmuhuvvon.
2 Struktuvrralaš oljomuddejuvvon vuollebáza proseantan BNP-Nannán-Norggas. Ovddit jagi rievdadus lea proseantaovttadaga mielde.
3 Struktuvrralaš, oljomuddejuvvon vuollebáza proseantan Stáhta olgoriikka penšunfoandda (SPU) kapitálas jagi álggus
Gáldut: Statistihkalaš guovddášbyrå ja Ruhtadandepartemeanta