Stáhtaministtar Kiinnái

Almmolaš prográmma sisttisdoallá čoahkkimiid presideanta Xi Jinping:in, stáhtaministtar Li Keqiang:in, parlameantamiellahttu Zhang Dejiang:in, ja almmolaš vuostáiváldinseremoniija ja bankeahtta gos stáhtaministtar Li lea guossoheaddji. 

- Galledeapmi Kiinnás lea deaŧalaš dan dihte ahte ásahit politihkalaš ovttasbarggu ja gulahallama. Kiinnás lea guovddášrolla dálkkádatrievdamiid  ráddjenbarggus ja ovdánahttinbarggus ja geafivuođa vuosttaldeamis. Dan dihte lea Kiinná deaŧalaš ovttasbargoguoibmi Norgii riikkaidgaskasaččat, dadjá stáhtaministtar Erna Solberg. 

Solberga fárus leat olgoriikaministtar Børge Brende ja ealáhusministtar Monica Mæland, ja sáttagoddi norgga ealáhuseallima ovddasteddjiiguin. 

- Kiinná márkanis leat stuora vejolašvuođat norgga ealáhuseallimii, seammás go norgga industriijas ja ealáhuseallimis leat olu maid sáhttet fállat dain surggiin mas sii leat njunnošis máilmmis. Ealáhuseallinovttasbargu olaha viidát ja nanne min čanastagaid, ja lea veahkkin fievrredit gelbbolašvuođa dain surggiin mat leat deaŧalaččat sihke norgga ja kiinná servodahkii ja ekonomiijai, dadjá stáhtaministtar.

Bearjadaga njukčamánu 7. beaivvi oassálastá stáhtaministtar konferánssas norgga ja kiinná ealáhuseallimii Beijingas, ovdal go son maŋŋelgaskabeaivvi deaivvada Kiinná stáhtaministtar Li Keqiang:in ságastallamiidda.

Lávvordaga njukčamánu 8. beaivvi lea stáhtaministtar Shanghaias, gos son earret eará galgá doallat sártni Fudan Universitys ja galledit DNV GL váldokantuvrra Kiinnás. 

Sotnabeaivvi njukčamánu 9. beaivvi leat stáhtaministaris máŋga čoahkkima Hangzhouas, earret eará Alibaba/Jack Ma Foundationiin.

Mánnodaga njukčamánu 10. beaivvi lea sáttagoddi ruovttoluotta fas Beijingas, gos stáhtaministtar earret eará galgá galledit Peking University, ovdal go maŋŋelgaskabeaivvi galgá čoahkkimastit presideanta Xi Jinpingiin álbmotviesus Folkets Store Hall mii lea Den himmelske freds plass báikkis.