Ráđđehusas rievdadusat

Suodjalusministtar Ine Eriksen Søreide lea nammaduvvon olgoriikaministtarin.

EEO- ja EO-ministtar Frank Bakke Jensen lea nammaduvvon suodjalusministtarin. Bakke-Jensen joatká Norgga áirrasin Davviriikkalaš ministtarráđis, su ovddasvástádus lea davviriikkalaš ovttasbargogažaldagaid ovttastahttin.

Stáhtačálli Marit Berger Røsland lea nammaduvvon stáhtaráđđin ja su ovddasvástádus lea EEO-áššiid ovttastahttin ja EO oktavuohta, Olgoriikkadepartemeanttas.

Seammás lea Børge Brende, olgoriikkaministtar, gudniin beassan heaitit.

Rievdadusat leat fámus odne, golggotmánu 20.b. 2017:s, dii. 14:00.

 

Ráđđehusa leat vuođđudan Olgešbellodat (O) ja Ovddádusbellodat (OvB). Otná ráđđehus lea:

Stáhtaministtar
Erna Solberg (O)

Ruhtadanministtar
Siv Jensen (OvB)

Gielda- ja ođasmahttinministtar
Jan Tore Sanner (O)

Johtalusministtar
Ketil Solvik-Olsen (OvB)

Ealáhusministtar
Monica Mæland (O)

Dálkkádat- ja birasministtar
Vidar Helgesen (O)

Mánáid- ja dásseárvoministtar
Solveig Horne (OvB)

Dearvvašvuođa- ja fuolahusministtar
Bent Høie (O)

Olgoriikaministtar
Ine Eriksen Søreide (O)

Sisafárren- ja searvadahttinministtar
Sylvi Listhaug (OvB)

Guolástusministtar
Per Sandberg (OvB)

Bargo- ja sosiálaministtar
Anniken Hauglie (O)

Kulturministtar
Linda Hofstad Helleland (O)

Eanandoallo-  ja biebmoministtar
Jon Georg Dale (OvB)

Suodjalusministtar
Frank Bakke-Jensen (O)

Oljo- ja energiijaministtar
Terje Søviknes (OvB)

Justiisa- ja gearggusvuođaministtar
Per-Willy Trudvang Amundsen (OvB)

Máhttoministtar
Henrik Asheim (O)

EEO- ja EO-ministtar
Marit Berger Røsland (O)