Ođđa Dielddanuori suohkana sámegielnamma
Historjjálaš arkiiva
Almmustahttináigodat Solberga ráđđehus
Almmustahtti: Gielda- ja ođasmahttindepartemeanta
Ođas | Almmustahtton: 02.11.2018
Gielda- ja ođasmahttinministtar lea ođđa Dielddanuori suohkanii mearridan sámegielnama. Ođđa suohkana namma šaddá Tjeldsund kommune dárogillii ja sámegillii fas Dielddanuori suohkan.
Dielddanuori ja Skániid suohkaniid oktasašlávdegotti golggotmánu 11.b.2017 mearrádus lea dasto nannejuvvon ahte sámegiel namma galgá dárogiel namain dássálagaid.
Nama mearrideamis leat Sámedikki neavvumat vuhtiiváldojuvvon. Nammarievdadus lea dahkkon gielddalága § 3 nr. 3, vuosttas lađđasa vuođul.
Gielda- ja ođasmahttindepartemeantta preassatelefovdna: 22 24 25 00