Ruhtadoarjja Sámedikki gieldaođastusbargui

Gielda- ja ođasmahttindepartemeanta háliida vuoruhit guovlulaš proseassaid, ja juolluda Sámediggái doarjaga bargat gieldaođastusain.

Sámediggi oažžu  600.000 gieldaođastussii.  

- Ollu gielddat váldet oktavuođa Sámedikkiin go dárbbašit veahki ja bagadusa ođastusproseassa oktavuođas. Dát ruđat dahket Sámediggái vejolažžan vuoruhit dán dehálaš barggu, cealká gielda- ja ođasmahttinministtar Jan Tore Sanner.

Ráđđehussii lea dehálaš ahte sámi perspektiiva lea gieldaođastusas mielde, ja ahte sámi giellageavaheaddjit eai oaččo heajut fálaldagaid ođđa gieldarájáid geažil.

-Gielddat leat ožžon čielga ávžžuhusa árvvoštallat movt sámegiella ja identitehta galgá vuhtiiváldojuvvot ođđa gielddain. Dál oažžu maid Sámediggi buoret vejolašvuođa  sihkkarastit ahte dát dehálaš bealit vuhtiiváldojuvvojit, cealká stáhtačálli Anne Karin Olli.

Oktavuohta:
Gielda- ja ođasmahttindepartemeantta preassatelefovdna: 22 24 25 00