Áigot sirdit stáhtalaš bargosajiid

- Dát plána háhká ođđa vejolašvuođaid olbmuide ja báikegottiide, ja váikkuha lassáneami ja ovdáneami gávpogiin ja guovlluin, dadjá Sanner.

Stáhtalaš bargosajiid lokaliserenplána lea mielde stuoradiggedieđáhusas Bærekraftige byer og sterke distrikter (Nanaguoddevaš gávpogat ja nanu guovllut)

- Dán rádjái dán ráđđehusáigodagas lea mearriduvvon sirdit dahje ásahit sullii 630 stáhtalaš bargosajiid olggobealde Oslo. Plána válddaha maid movt ráđđehus áigu čielggadit ásahit vel eanet stáhtalaš doaimmahagaid miehtá riika, dadjá Sanner.

- Go stáhtalaš doaimmahagat ásahuvvojit miehtá riika, sáhttet eanebut oažžut gelddolaš karriearavejolašvuođaid báikkálašbirrasis gos leat ja nu sáhttet fárret ruoktot fas go leat čađahan alit oahpu. Ođđa teknologiijain sáhttet stáhtalaš doaimmahagat jođihuvvot máŋgga báikkis, ja seammás leat olahanmuttus álbmogii ja ovttasbargoguimmiide, dadjá Sanner.

Ođđa barggut mat sáhttet sirdojuvvot gullet earret eará máhttohálddahussii, eanadoallohálddahussii ja hálddahuslaš bálvalusaide. Dáid doaimmahagaid searvvis leat  Politiijaallaskuvla, Giellaráđđi, Ráfijoavku (Fredskorpset), Dásseárvo- ja vealahanlávdegoddi ja oasit av NVE:s.

- Mun ipmirdan bures ahte dákkár dieđut leat gáibideaddjit dáid doaimmahagaid bargiide. Dál mii galgat sihkkarastit buriid proseassaid ovddos guvlui, gos mii gullat bargiid oaiviliid. Mis leat maid buorit ortnegat bargiide geat vásihit nuppástumi, dadjá Sanner.

Stáhtalaš bargosajiid lokaliserenplána (pdf) Kun på norsk

Gielda- ja ođasmahttindepartemeantta preassatelefovdna: 22 24 25 00