Ráđđehus áigu ráhkadit ealli gávpogiid ja guovlluid miehtá riika

Odne bidjá ráđđehus ovdan oktasaš dieđáhusa Stuoradiggái nanaguoddevaš gávpogiid ja nanu guovlluid birra. Dieđáhusas ovddiduvvojit doaimmat mat galget sihkkarastit ovdánanvuoimmi, ovttadássásaš eallinbirgenlági ja nanaguoddevaš guovlluid miehtá riika. dát láhčá dili bisuhit ássanmálliid váldodovdomearkkaid ja ráhkadit ealli báikegottiid gos leat sihkkaris barggut miehtá riika.

- Olu dain min deaŧaleamos resurssain Norggas leat guovlluin, seammás go mii dárbbašit gávpogiid innovašunvuoimmi ja máŋggabealatvuođa. Gávpogat ja guovllut dárbbašit guhtet guimmiideaset.  Danne lea mis beroštupmi dasa movt mii sáhttit nannet ovttasdoaibmama gaskal gili ja gávpoga, dadjá Sanner.

Norggas leat deaŧalaš resurssat miehtá riika. Mis leat gávpogat guovlluin ja guovllut gávpotregiovnnain.

- Jus mii galgat suddjet buresbirgejumi, ráhkadit boahtteáigásaš bargosajiid ja ávkkástallat ovdamuniid mat leat Norggas, de mii fertet ovttastallat. Mii fertet heaitit bidjame gávpoga ja guovllu vuostálaga, dadjá Sanner.

Dáinna ráđđehus ovdanbuktá politihka mii nanne nuppástusgálgga bargoeallimis ja láhčá dili oažžut buriid gávpogiid ja ealli báikegottiid miehtá riika.

- Mii fertet ráhkadit gánnáhahtti bargguid, innovašuvnna ja fidnohutkama. Ráđđehus vuoruha dál doaimmaid mat nannejit gilvogálgga ja ovdánanvuoimmi guovlluin, dadjá Sanner.

Ráđđehus bidjá seammás ovdan stáhtalaš bargosajiid lokaliserenplána, mii lea šiehtadallon Gurutbellodagain Stuoradikkis. Ulbmil lea nannet ovdánanvuoimmi guovlluin ja nannet gelbbolašbirrasiid máŋgga baikkis riikkas.

- Olahusstuora investeremat infrastruktuvrii lea áibbas guovddážis guovlluid ovdánanvuoimmis. Differensierejuvvon bargoaddidivat lea gievrramus doaibma, dadjá Sanner.

Ráđđehus nanne guovddášsajiid ovdáneami ja nanaguoddevaš gávpogiid. Gávpotstuorrunšiehtadusat sihkkarastet areálageavaheami ja investeremiid ovttastahttima fievrredanvuogádagas.

- Ráđđehus áigu leat aktiivvalaš doaibmaoasálaš plánemis gávpot- ja giliovdáneami mii lea boahtteáigásaš ja buorre dálkkádaga ektui ja mii vuoruha čohkkema kollektiivaguovddášsajiid lahka, dadjá Sanner.

Ráđđehus láhčá dili lasihit ásodathuksema guovlluin gos lea stuora ásodatdárbu, ja doaimmat ávkkuhit. Earenoamážit jagis 2016 lea ásodathuksen lassánan.

Regjeringen legger til rette for økt boligbygging i pressområdene, og tiltakene virker. Særlig i 2016 har boligbyggingen tatt seg opp.

-  Ásodathattit lea lassánan olu, earenoamážit Osloguovllus muhto maid eará gávpogiin. Deaŧaleamos doaimmat oažžut buoret balánssa ásodatmárkanis lea sihkkarastit ahte huksejuvvojit eanet ásodagat. Ráđđehus láhčá dili jođánet, álkit ja hálbbit ásodathuksemii. Dál mii oaidnit ahte leat álggahuvvon hirbmat olu ásodathuksemat, dat lea illudahtti, dadjá Sanner.

Jus servodat galgá doaibmat, de fertejit ovttaskasolbmot ja joavkkut muosáhit ahte sii ásset ovttas, eai buohtalaga dahje vuostálaga. Mii fertet oažžut fátmmasteaddji báikegottiid gos olugat oassálastet aktiivvalaččat. Guovloáŋgiruššamat mat juo leat galget jotkojuvvot ja kvalitehta nannejuvvot.

- Mii dárbbašit aktiivvalaš suohkaniid, mat doibmet ovttasráđiid ássiiguin, eaktodáhtolaččaiguin ja ealáhusaiguin. Mis leat buorit vásáhusat guovloáŋgiruššamiiguin. Ovddos guvlui mii áigut nannet áŋgiruššamiid ja veahkehit eanet guovlluid gos dál leat hástalusat ožžot buoret ássanbirrasa ja buriid bajásšaddaneavttuid, dadjá Sanner.

Dieđáhus lea ráhkaduvvon rabas proseassa bokte, masa suohkanat ja fylkasuohkanat, priváhtaolbmot, stuora ja smávva fitnodagat, oahpposuorgi ja miellahtto- ja beroštusorganisašuvnnat leat buktán mearkkašumiid. Buot cealkámušat leat gávdnamis neahtas www.byerogdistrikter.no.

 

Gielda- ja ođasmahttindepartemeanta preassatelefovdna: 22 24 25 00