Stáhtačálli Anne Karin Olli oassálastá 'biebmogirjjiid Oscar' bálkkašumi juohkimis Kinas
Historjjálaš arkiiva
Almmustahttináigodat Solberga ráđđehus
Almmustahtti: Gielda- ja ođasmahttindepartemeanta
Preassadieđáhus | Almmustahtton: 28.05.2018
– Lea illudahtti oaidnit ahte sámi nuorat biebmogirjjiin EALLU leat nominerejuvvon njealji kategoriijas, dás maid váldobálkkašupmi, riikkaidgaskasaš bálkkašumis Gourmand Awards. Ráđđehusas lea mihttomearri ahte sámit galget beassat ovdánahttit iežaset kultuvrra ja giela, ja mii dáhttut váikkuhit buori ovttasbargui rastá riikarájiid, dadjá Anne Karin Olli, stáhtačálli Gielda- ja ođasmahttindepartemeanttas.
Gourmand Awards, dávjá gohčoduvvon biebmogirjjiid Oscar, leat jahkásaš doalut gos válljejit buoremus biebmogirjjiid badjel 200 riikkaid oassálastiid gaskkas.
EALLU lea prošeakta mii iská boazosámiid biebmokultuvrra, mas vuolggasadji lea árbevirolaš máhttu, dálkkádatrievdamiidda heiveheapmi ja maid nuoraid beroštupmi ja álgoálbmotkultuvrra viidáset ovdánahttin mearkkaša.
Biebmogirjji EALLU lea Árktalaš ráđđi ruhtadan, go Norga vuolggahii ášši. Riikkaidgaskasaš boazodoalloguovddáš (ICR) lea jođihan prošeavtta, gos sámi nuorat Norggas leat oassálastán biebmovieruiguin boazodoallokultuvrras.
Earret sámi oassálastiid, oassálastá maid GOD doaluin stáhtačálliin Anne Karin Olli ja ossodatdirektevrrain Kristin Solbjør.
Váldobálkkašupmi dáhpáhuvvá lávvordaga miessemánu 26. beaivvi Yantai, Kinas.
Prográmma
- Deaivvadit álgoálbmotnuoraiguin geat leat ráhkadan biebmogirjji Eallu, ovttas Riikkaidgaskasaš boazodoalloguovddážiin (ICR)
- Deaivvadit Genhe guovllu jođiheddjiin (boazodoalloguovlu Kinas), Hu Zhaomin
- Dearvvahit su gii lágida doaluid, Edouard Cointreau
- Váldobálkkašupmi ja doallomállásat
Gielda- ja ođasmahttindepartemeantta preassatelefovdna: 22 24 25 00
