Regionála doaibmabijut rievdaduvvojit Vikenis ja Gran gielddas

-Viken njoammunlogut leat leamaš dássidis dásis maŋimuš áiggi, mii mearkkaša ahte doaibmabijut mat ásahuvvojedje njukčamánu 16.beaivvi leat lihkostuvvan. Njoammunlohku lea almmatge hui allat ollu gielddain. Daid gielddain joatkašuvvet regionála doaibmabijut, juogo gustovaš dásis dahje doaibmabidjodási B bokte, cealká dearvvašvuođa- ja fuolahusministtar Bent Høie.

Dearvvašvuođadirektoráhtas, Álbmotdearvvašvuođainstituhtas ja Oslo ja Viken stáhtahálddašeaddjis lea leamaš hui buorre gulahallan dan áššis. Eanaš gielddat dorjot ávžžuhusa.

Čuovvovaš gielddain joatkašuvvá doaibmabidjodássi A:

Asker, Bærum, Drammen, Eidsvoll, Enebakk, Fredrikstad, Gjerdrum, Lier, Lillestrøm, Lørenskog, Moss, Nannestad, Nes, Nordre Follo, Rakkestad, Rælingen, Råde, Sarpsborg, Ullensaker ja Ås.

Dáppe gávnnat oppalaš dieđuid doaibmabidjodási A birra (Erenoamáš gáibideaddji doaibmabidjodássi, mearriduvvon covid-19-láhkaásahusa kap. 5A bokte)

Čuovvovaš gielddain bidjodoibmii doaibmabidjodássi B doaibmabidjodási A sadjái:

Aurskog-Høland, Frogn, Halden, Hole, Hurdal, Hvaler, Indre Østfold, Jevnaker, Kongsberg, Lunner, Marker, Modum, Nesodden, Nittedal, Ringerike, Skiptvet, Vestby, Våler ja Øvre Eiker.

Dáppe gávnnat oppalaš dieđuid doaibmadási A birra (Gáibideaddji doaibmabidjodássi, mearriduvvon covid-19-láhkaásahusa kap. 5B bokte)

Čuovvovaš gielddain heaittihuvvojit regionála doaibmabijut:

Aremark, Flesberg, Flå, Gol, Hemsedal, Hol, Krødsherad, Nesbyen, Nore ja Uvdal, Rollag, Sigdal ja Ål Vikenis ja Gran gielddas Innlandet fylkkas.

Gielddain, gos doaibmabidjodássi A (hui gáibideaddji doaibmadássi) molsašuvvá doaibmabidjodásiin B (gáibideaddji doaibmabidjodássi) gustojit earret eará čuovvovaš rievdadusat:

 

• Lohpi lágidit siste valáštallan- ja astoáiggedoaimmaid mánáide ja vuollel 20 jahkásaš nuoraide, ja gielddus lágidit organiserejuvvon doaimmaid olgun badjel 20 jahkásaččaide heaittihuvvo

 

• Gávppit, gávpeguovddážat ja stuoragávppit sáhttet leat rahpasat. Gieldda ássit ávžžuhuvvojit gávppašit báikkálaš gávpeguovddážiin ja stuoragávppiin.
  
  
• Guossohanbáikkit sáhttet leat rahpasat, muhto alkoholaguossoheapmi lea lobiheapme
  
  
• Vuojadanhállat, vuojadanguovddážat, spa-rusttegat, hoteallavuojadanálddis ja sullasaččat leat gitta. Spiehkastahkan leat vuojadanhárjehallamat, organiserejuvvon vuojadankurssat ja vuollel 20 jahkásaččaide organiserejuvvon vuojadanhárjehallamat ja ámmátvaláštalliid vuojadanhárjehallamat, veajuiduhttin, lášmmohallan ja oktagaslaš heivehuvvon dikšun.

Doaibmabidjodási A gaskaboddosaš rievdadusat ja doaibmabidjodásiid ollislaš árvvoštallan

Doaibmabidjodássi A sisttisdoallá hui beaktilis ja garra doaimmaid maid lea vejolaš čađahit guovtti dahje golmma vahkus daid guovlluin gos njoammun leavvá johtilit ja dilli šaddá hui duođalaš. Doaibmabidjodási A joatkin 20 gielddas Vikenis  mearkkaša ahte ássit fertejit eallit hui gárra ja gáibideaddji doaimmaiguin sullii guhtta vahku. 

-Garraseamos doaibmabidjodási joatkin mielddisbuktá ahte ássit 20 gielddas vásihit  hui  gáibideaddji dili. Ulbmil doaibmabidjodásiin A ii lean ahte dat galggai doaibmat nu guhkes áiggi. Ja doaibmabidjodássi B lea menddo láivi eastadit njoammuma jos njoammun leavvá johtilit gielddain ja dilli šaddá duođalaš. Dearvvašvuođadirektoráhtta ja Álbmotdearvvašvuođainstituhtta leat ožžon bargun árvvoštallat muddet  doaibmabidjodási A gaskaboddosaččat nu, ahte dat doaibmagohtet juo boahtte vahku rájes.   

Dearvvašvuođadirektoráhta ja Álbmotdearvvašvuođainstituhta bargun lea maid guhkebuš áigodagas geahčadit ja muddet buot golbma regionála doaibmabidjodási (doaibmabidjodási A, B ja C) ja

-Mii leat ain dan dilis ahte dárbbašat beaktilis doaibmabidjodási A mii maiddái boahtteáiggis sáhttá geahpedit ja ráddjet njoammuma oanehis áigodagas. Dat lea erenoamáš dehálaš dustet virusleavvama masa boahkuheapme ii bastte. Seammás lea maid dehálaš guorahallat doaibmabidjodási B ja C, ja árvvoštallat mo diet  doaibmabidjodásit sáhttet ráddjet njoammuma ollu guovlluin Vikenis,  gos beaktilis ja garra doaimmat dárbbašuvvojit guhkit áiggi badjel, dadjá Høie.

Dáppe oainnát makkár doaimmat gustojit iešguđet doaibmabidjodássái.