Politiija sihkkarvuođabálvalus (PST) nanne áittaárvvoštallama

– Lea dehálaš ahte PST dađis árvvoštallá áitagiid mat sáhttet uhkidit Norgga servodaga. Mun bijan PST árvvoštallamiid vuođđun go muitalit ahte terroráitta Norgga vuostá dál lea duođalaš.  Mun háliidan deattuhit ahte Norga álgovuođus lea oadjebas servodat. Mis lea rabas ja demokráhtalaš servodat, muhto dan geažil maiddái rašši.  Danne eat galgga leat ovttageardánat , cealká justiisa- ja gearggusvuođaministtar  Per-Willy Amundsen (OvB).

PST ávžžuha buohkaid dárkilit čuovvut mielde vai sáhttit almmostahttit ja eastadit vejolaš áitagiid ja fallehemiid. Sii oaivvildit ahte ovttaskas olbmot eai galgga ballat muitaleamis imaš dáhpáhusaid.  

– Dan mii vásiheimmet ikte go politiijai cavgiluvvui imaš láhttenvuogi birra. Dat mielddisbuvttii ahte politiijat besse duoguštit su. Dat čájeha ahte lea dehálaš čuovvut mielde ja dehálaš lea maid čájehit beroštumi. Mun áiggun rápmot sihke su gii cavgilii, ja politiijaid go oanehis áiggis álggahedje doaimmaid, dadjá stáhtaráđđi. 

Politiija galgá dál árvvoštallat makkár doaibmabijuid ferte álggahit PST ođđa áittaárvvoštallama vuođul. Politiija áigu árvvoštallat ja álggahit doaibmabijuid maid sii atnet dárbbašlažžan.