Álkit boahtit giddagasas servodahkii

Našunála strategiija bokte mot máhccat servvodahkii maŋŋil fáŋgavuođa (PDF, dárru)

– Ráđđehus háliidat sihkkarastit ahte sii geat leat dubmejuvvon ožžot čavgadit čuovvoleami ja buoret koordinerejuvvon bálvalusfálaldagaid go gerget čohkkame. Dat váiduda dahkamis ođđa vearredaguid, lohká justiisa- ja gearggusvuođaministtar Per-Willy Amundsen (OB).

Váilu oahppu, bargu ja viessu

Vuollel bealis sis geat leat čohkkan lea bargu dehe oahppofálaldat masa álget go besset giddagasas. Guoktásis golmma dubmejuvvon olbmos lea mirkováttisvuođat, ja nu oallugiin go ovccis logi fáŋggain leat iešguđetgelágán miellaváttut dehe psyhkalaš buozanvuohta.

Ráđđehus áigu háhkat nannosit vuogi mainnalágiin máhccat giddagasas fas servodahkii, dan aitto mearriduvvon oktiiheivehuvvon našunála strategiija bokte mot máhccat servvodahkii maŋŋil fáŋgavuođa (2017-2021). Dán strategiija doaimmat leat ovddemusat dat, ahte dustet daid hástalusaid mat leat giddagasa ja servvodagas gaskkas muđui, nu ahte fáŋggat sáhttet eallit boahttevaš eallima nu ahte eai daga fas ođđa vearredaguid.

Rievttalaš eallin eambbosiidda

Ráđđehus áigu:

• Geahpedit máhccat fas ođđa vearredaguide
• Geahpedit olggušteami oahpahusa ja barggu bokte maŋŋil čohkkama.
• Oktiiheivehit doaimmaid ja hálddašeami juohke dásiin.

Lagat ovttasbargu almmolaš ásahusaid gaskka

Vuosttaš mii ferte dahkkojuvvot lea iskat daid njuolggadusaid ja lágaid mat gusket ovttasbargui, ja mearridit čielgasit makkár geatnegasvuohta galgá leat kriminálafuolahusas, bargo- ja buresbirgenstáhtas, dearvvašvuođaásahusain, fylkkasuohkaniin ja suohkaniin. Lágain ja sohppojuvvon šiehtadusain galgá boahtit čielgasit ovdan makkár ovddasvástádus guđege bálvalusásahusain lea.

Dearvvašvuođa- ja fuolahusdepartemeanttas (DFD), Bargo- ja sosiáladepartemeanttas (BSD), Justiisa- ja gearggusvuođadepartemeanttas (JGD), Gieldda- ja ođasmáhttindepartemeanttas (GOD) ja Máhttodepartemeanttas (MD) lea oktasaš ovddasvástádus oassálastit olahit daid mihttomeriid maid ráđđehus lea mearridan strategiijas. Sii galget oktiiheivehit doaimmaid direktoráhtaide go dat gáibiduvvo, raporttaid ja bohtosiid juohkit ja bargat olihit beaktilit doaressektorlaš ovttasbarggu mii guoská máhcaheapmái maŋŋil go lea čohkkánduomu gearggahan.

Ráđđehusa strategiija sisttisdoallá doaimmaid mat sihkkarastet dan ahte eambbosat kvalifiserejuvvojit bargui, ohppui dehe viidásit oahppamii. Mii sávvat ahte eambbosat sáhttet fárret buori ruktui, oažžut bargohárjáneami, divššu ja dárbbašlaš dearvvašvuođaveahki go leat geargan čohkkánduomuin.

Mii oaivvildit ahte ráđđehusa ođđa strategiija doaimmat leat dehálaččat háhkat stuorit árgabeaivválaš oadjebasvuođa ja oččodit Norgga šaddat eanet fátmmasteaddji servodahkan.